Трамп соғыстың өршуіне Зеленскийді кінәлады

АҚШ Еуропадан өз әскерлерін шығаруды жоспарламайды, бірақ Украинаға бітімгерлерді жібермейді, деп мәлімдеді Трамп. Бұл туралы www.dw.com хабарлады.

АҚШ президенті Дональд Трамп егер соғысты уақытша тоқтатуға келіссе, Вашингтонның Украинаға Еуроодақ елдерінен бітімгерлерді жіберуге қарсылық білдірмейтінін айтты. Алайда, АҚШ Украинаға бітімгер әскер жіберу мәселесі талқыланбайды, деп мәлімдеді америкалық лидер 18 ақпанда  өзінің Мар-а-Лаго резиденциясында өткен брифингте

"Онда әскер орналастыру жақсы идея, мен ештеңе демеймін", - деді Трамп. Сонымен бірге ол америкалық бітімгерлер туралы сөз қозғамайтынын атап өтті. Ал Еуропа елдерінің бітімгер әскер жіберуін қолдайтынын жасырмады.

Еуроодақ елдері бітімгерлерді Украинаға жіберу идеясын бірнеше рет көтерген еді, бірақ бұл мәселе бойынша әлі толық келісім жоқ. Сонымен қатар, Ресей бітімгерлердің Украинада болуына қарсы, бұл жағдайды "қабылдауға болмайды" деп атайды.

Еуропадағы АҚШ әскерлері туралы 

 Трамп қазіргі уақытта әскерлерді шығару немесе контингентті қысқарту жоспары жоқ екенін айтты. Бұл мәселе Трамп АҚШ президенті болғаннан кейін талқылана бастаған еді – бұған дейін ол АҚШ-тың Еуропадағы әскерін қысқартқысы келетінін білайтқан. Сонымен бірге, Ресей президенті Владимир Путин АҚШ әскерлерінің Еуропадағы санын қысқартуды талап еткен және соңғы бірнеше аптада Трамп әкімшілігі де бұл талапты қайталаған.

Трамп Украинада сайлау өткізу қажеттігін айтты

АҚШ президенті Украинада сайлау өткізу қажеттігін қайталап, бұл сайлау ел президенті Владимир Зеленскийдің жағдайын заңдастыруы тиіс деп мәлімдеді.

"Қазір Украинада сайлау болғанына көп болды. Онда әскери жағдай енгізілген. Ал украин лидерін 4% ғана адам қолдайды", – деді Трамп.

Трамп ешқандай дәлел немесе ақпарат ұсынбады, оны қайдан алғанын түсіндірмеді. Киев халықаралық әлеуметтану институтының деректері бойынша, 2025 жылдың қаңтарында Зеленскийдің рейтингі 50% болған.

Трамп Зеленскийді АҚШ-тан бөлінген қаржы үшін кінәлады 

Трамп сонымен қатар Зеленскийдің АҚШ-тың Украинаға бөлген ақшаларының жартысының қайда кеткенін білмейтінін айтты. Оның сөздеріне қарағанда, Киев бұл қаржыны "қайтаруы керек немесе ақшаның қайда кеткенін анықтауы тиіс".

Трамп Ресейдің Украинаға басып кіруіне Зеленскийді кінәлады 

АҚШ президенті Украинаның Сауд Арабиясында өткен АҚШ пен Ресей арасындағы кездесуге шақырылмағаны жөніндегі сынға күле жауап берді. "Бүгін мен естідім: "Бізді шақырмады" деп өкпелегендерін. Сіздер осында үш жыл бойы отырсыздар,", - деді Трамп.

Трамптың айтуынша, Ресейдің Украинаға қарсы соғысын баяғыда тоқтатуға болар еді. Сонымен қатар, ол Киев өкілдеріне қарап: "Сіздер оны бастамауыңыз керек еді. Сіздер келісім жасай алатын едіңіздер", - деп мәлімдеді.

Трамп Украинаның қатысуынсыз соғысты аяқтау туралы пікірталасқа Ресейдің Украинаға басып кіруін тоқтату мәселесінде Владимир Зеленскийдің сын-пікірлері кедергі жасайтынын айтты.

АҚШ президенті өзінің брифингінде Ресейдің Украинаға қарсы соғысын айтарлықтай ауыр шығындарсыз аяқтауға болатындығын, тіпті "орташа ғана келіссөз жүргізушісімен" шешілуі мүмкін екенін айтты. Трамп нақты территория бөлінісі туралы айтқан кезде, ол Ресейдің Қырымды аннексиялап алуын және 2014 жылдан бері Ресеймен байланысы бар сепаратистердің бақылауында болған Донбасстың шығыс аймағын меңзеді ме, нақты ештеңе айтпады.

Фото: dev.ua