Түймебаев Назарбаевты қашан шақырады?

Жансейіт Түймебаев Қазақстанның экс-президентін ұмытып кетті ме?

  • 20.06.2022
Түркиядағы елші Түймебаев президент Назарбаевтың қабылдауында, 2015 жыл. 
Фото ашық интернет көзінен алынды.

Қырғызстанның тұңғыш президенті Асқар Ақаев әл-Фараби атындағы ҚазҰУ-да жүр. Кеше бір дәріс оқыды, университет баспасөз қызметінің хабарынша 23 маусымға тағы біреуін жоспарлап отыр.

19 маусым күні Ақаевтың көшбасшылық туралы дәріс оқитыны өткен аптада хабарланған. Ресей ғылым академиясының академигі, М.Ломоносов атындағы Мәскеу мемлекеттік университеті жанындағы Күрделі жүйелерді математикалық зерттеу институтының бас ғылыми қызметкері, профессор Асқар Ақаев ҚазҰУ қалашығымен танысып алған соң, «Көне дәуірден бергі демографиялық даму көрсеткіші және адамзат болашағы (компьютерлік болжау және математикалық модельдеу)» тақырыбындағы көшбасшылық дәрісін оқыды. Жиында академик Асқар Жұмаділдаев, ақын Олжас Сүлейменов, жазушы Смағұл Елубай бастаған белгілі адамдар да жүрді.

ҚазҰУ ректоры Қырғызстанның тұңғыш президентін:

«Асқар Ақайұлы  өте білімді, ерекше тұлға. Тәжірибелі ғалым ретінде  Қырғызстанда есептеу оптоэлектроника және голография бойынша Қырғыз ғылыми мектебін құрды. Аталмыш орталықтан көптеген ғалымдар мен докторлар шықты. Осылайша профессор әлемдегі саяси, экономикалық және әлеуметтік мәселелерді талдау мен болжаудың ғылыми мектебін қалыптастырды», - деп мақтады.

Асқар Ақаев та өз кезегінде университет басшылығына алғыс айтты және ҚазҰУ-ды Орта Азиядағы ең үздік университет деп атады. «Демографиялық ауысу» туралы сөйлеген Ақаев кездесу соңында «ҚазҰУдың құрметті профессоры» атағын алды.

Түймебаевтың экс-президенттерді ҚазҰУ-ға шақыруы алғаш емес. Ол былтыр ғана Түркияның экс-президенті Абдуллаһ Гүлді шақырған. Ол да арнайы дәріс оқып, «құрметті профессор» атағын алып, әл-Фараби алтын медалімен марапатталған. Ол кезде де Сүлейменов, Елубай бастаған ақын-жазушылар қатысқан. Түймебаев Гүлді «Түркия Республикасының 11-ші Президенті Абдулла Гүл мырзаның университетімізге келгені айрықша мәртебе», - деп, арқаға қағып, шапан жауып шығарып салған.

Екі жылда екі экс-президентті қонаққа шақырған Түймебаев – Қазақстанның экс-президенті Нұрсұлтан Назарбаевтың кезінде қалыптасқан, үлкен қызметтер істеген адам. Оның Назарбаев туралы айтқан мақтау, ұлықтау сөздері аз емес. Ол Назарбаев биліктен кеткен соң да оған арналған іс-шараларға қатысып, жақсы сөзін аямайтын.

«Қызмет барысында мен Елбасының жанында бірге жұмыс жасадым, және ел дамуына байланысты тағдыршешті мәселелерде шешімнің қалай қабылданғанын білемін. Саясаткер келесі сайлау туралы, ал мемлекеттік қайраткер келесі ұрпақ туралы қам жейді дейді. Нұрсұлтан Назарбаев – бұл үлкен әріптермен жазылатын мемлекеттік қайраткер», - деген 2019 жылы Тұңғыш президент күніне орай өткен «Елін сүйген Елбасы» диалог-әңгімелесуде.

2020 жылы ҚазҰУ-да Назарбаевқа арналған зал да ашылған. Кітаптары мен фотосуреттері, әр жылдары істеген істері туралы ақпарат беретін бұл залды «стеденттер мен оқытушылардың қызығушылығын оятты» деп жар салған. Сол зал ашылғанда Назарбаевтың 1991-2018 жылдар аралығындағы әр түрлі университеттерде сөйлеген сөзін жинап, «Қазақстан Республикасы тұңғыш президенті Н.Ә.Назарбаевтың дәрістері» атты арнайы кітап та шығарған. Ғалымқайыр Мұтановтың ректорлығы кезінде ашылған бұл зал қазір де істеп тұр. Түймебаев «студенттерге, әсіресе оқытушы профессорлар үшін маңызды» осы дәріс кітабын місе тұтып отыр ма екен, әзірге Қазақстанның экс-презиентін қонаққа шақырған жоқ.

ҚазҰУ-ға осы маусымның басында ғана президент Қасым-Жомарт Тоқаев келіп кетті. Ал Назарбаев бұл университетке соңғы рет 2014 жылы келген. Қазіргі уақытта «экс-президент көрінбей кетті»; «ол елдің ішінде емін-еркін жүре алмайды» деген сөздер жиі айтылып жүр. Қырғызстанның тұңғыш президенті мен Түркияның 11-ші президентін шақыруға жеткен шамасы бір кездері елші, облыс әкімі сияқты қызмет істеуіне мүмкіндік жасаған сүйікті елбасын құрметтеуге жететін шығар. Егер Назарбаев экс-президент ретінде келіп, дәріс оқып беріп кетсе, Түркия мен Ресейге барғаны туралы ақпараттан басқа ешқандай хабар шықпай кеткен Назарбаевты «халыққа жақындатқан» адам ретінде тарихта қалар еді.

Байланысты жаналықтар

Тоқаев KIA корпорациясының президентін қабылдады

23.04.2024

Бектенов барлық үйлерді мерзімінде тапсыру үшін қатаң бақылауды қамтамасыз етуді тапсырды

23.04.2024

Ұлыбритания Сыртқы істер министрі Дэвид Кэмерон Қазақстанға келеді

23.04.2024

Тоқаев Өзбекстан Президенті мен халқына су тасқыны кезінде көмек көрсеткені үшін алғыс айтты

23.04.2024

Тасқыннан зардап шеккендерге қосымша 553 мың теңге беріледі – Бектенов

23.04.2024

Ақбөкендерді атуға енді рұқсат етілмейді

22.04.2024
MalimBlocks
Тоқаев KIA корпорациясының президентін қабылдады

Хо-сунг Сонг Қасым-Жомарт Тоқаевқа Қостанайдағы автомобиль шығаратын толық циклді зауыт құрылысының барысы туралы мәлімет берді.

Бектенов барлық үйлерді мерзімінде тапсыру үшін қатаң бақылауды қамтамасыз етуді тапсырды

Бүгінде елімізде 39 барынша проблемалық нысан бар.

Ұлыбритания Сыртқы істер министрі Дэвид Кэмерон Қазақстанға келеді

Ресми сапар 24-25 сәуірге жоспарланған.

Тоқаев Өзбекстан Президенті мен халқына су тасқыны кезінде көмек көрсеткені үшін алғыс айтты

Сонымен қатар мемлекеттер басшылары аймақтық және халықаралық күн тәртібіндегі өзекті мәселелер бойынша пікір алмасты.

Тасқыннан зардап шеккендерге қосымша 553 мың теңге беріледі – Бектенов

Оған адамдар тоңазытқыш, үстел, орындық, ыдыс-аяқ, киім-кешек сияқты жоғалған бірінші кезектегі қажетті заттарды сатып ала алады.

Ақбөкендерді атуға енді рұқсат етілмейді

Болжам бойынша, былтырғы төлді ескере отырып, ақбөкендердің саны шамамен 2,5-2,6 млн бас болды.