Эстрада жұлдызы Досымжан Таңатаров күйеу баласымен алғаш танысқан сәтін еске алып, қызының тұрмысқа шығу туралы жаңалығын қалай қабылдағанын баяндады, деп хабарлайды Malim.kz.
Әншінің айтуынша, ол болашақ күйеу баласының телефон нөмірін өз күшімен тауып, арнайы шақырып, жеке сөйлескен.
"Маған қызым тұрмысқа шығатынын айтқан кезде мен ең алдымен жігітті тауып алғам. Телефонын тауып, оны шақырып, жігітше отырып сөйлескем. Маған ұқсайды екен. Келген соң күйеу балаға: "Далада жатқан адам жоқ. Сен де ерігіп жүрген жоқсың. Мәселені бірден шешіп алыңдар. Менің қызым сен ойлағандай өте жақсы деп ойлап қалма. Оның өзіне жеткілікті еркелігі бар. Сен білесің бе соның бәрін? Азамат ретінде ие бола аласың ба?" – дегем. Тура осылай бір жарым сағат отырып сөйлестік. Жігіт көңілімнен шықты. Қызыма да соны айттым", – деді Досымжан Таңатаров.
