Протугал полициясы Ұлыбритания және АҚШ-тың көмегімен Атлант мұхитында есірткі тиеген сүңгуір қайықты ұстады. Бұл туралы Euronews хабарлайды.
Сүңгуір қайықта 1 740 килә кокаин болыпты. Ресми мәлімдемелерден белгілі болғанындай, сүңгуір қайық Пиреней түбегін бағытқа алып кетіп бара жатқан.
- Біз, экипажы есірткіні жүрдек катерге тиеп жатқан сүңгуір қайықты ұстадық. Қайықты ұстауға әскери-теңіз күштері ат салысты. Оңтүстік Америка елдерінің 4 азаматы ұсталды, -
дейді есірткінің заңсыз айналымымен күрес бойынша ұлттық бөлімшенің басшысы Витор Ананиас.
Азаматтардың екеуі Эквадордан, біреуі Венесуэладан және біреуі Колумбиядан екені туралы хабар тарады.
