Фото: euronews.com
Словакияның премьер-министрі Роберт Фицо Мәскеуде Ресей президенті Владимир Путинмен кездескенде Украинадағы шиеленісті бейбіт реттеу мәселесін талқылағанын айтты, деп хабарлайды ВВС.
«Ұзақ әңгіме барысында Владимир Путинмен біз Украинадағы әскери жағдайды, соғысты мүмкіндігінше тезірек бейбіт жолмен аяқтау мүмкіндіктерін және Словакия мен Ресей арасындағы қарым-қатынастарды талқыладық», – деп жазды Facebook парақшасында.
Сонымен қатар украин президенті Владимир Зеленскийдің Украина аумағы арқылы газ транзитін өткізуге қарсы екені туралы айтқан сөздеріне реакция ретінде Ресейге барғанын жеткізді.
Словакия Ресей газын Украина арқылы алады. «Газпромның» Украинадағы «Нафтогазбен» жасаған транзиттік келісімі биыл аяқталады, ал Зеленский Киев бұл келісімді ұзартуды жоспарламайтынын айтқан болатын.
Фицо егер Украина Ресей газын өз территориясы арқылы транзиттеуге рұқсат бермесе, екі ел арасында шиеленіс туындауы мүмкін екенін мәлімдеген.
«Владимир Путин Ресейдің газын Батысқа және Словакияға жеткізуін жалғастыруға дайын екенін растады, бірақ украин президентінің ұстанымын ескерсек, 2025 жылдың 1 қаңтарынан кейін мұның мүмкіндігі жоқ», – дейді Фицо.
MalimBlocks
Киев пен Мәскеу арасындағы бейбіт келіссөз қалай жүреді?
Газет болашақ президенттің айналасындағылар бірнеше сценарийді талқылап жатқанын атап өтті. Олар қазіргі әкімшіліктің Украинаны «қажет болғанша» қолдау принципінен бас тартуға дайын. Трамп сайлауда жеңген соң оның ұлы әлеуметтік желіде Зеленский жақын арада «артықшылықтарынан айырылады» деп қалжыңдады.
