Еурокомиссия төрағасы Урсула фон дер Ляйен Киевке дүйсенбі күні таңертең Ресейдің Украинаға қарсы соғысы бастағанына үш жыл толуына орай өтетін халықаралық жиынға пойызбен келді. Бұл туралы euronews.com жазды.
Дональд Трамптың Мәскеумен келіссөз жүргізу бағытындағы тосын қадамдары еуропалық одақтастар арасында алаңдаушылық туғызуып отыр. Олар Ресей мен АҚШ асығыс әрі астыртын келісім жасасса, континент Кремльдің экспансиясына қарсы қорғансыз қалуы мүмкін деп алаңдаулы.
Еурокомиссия төрағасы Украинаға 3,5 миллиард еуро көлемінде қаржылық көмек пакетін ұсынатынын мәлімдеді. Бұл көмек Украина бюджетіндегі қиындықтарды жеңілдетіп, елдің әскери өнеркәсібіне қару-жарақ сатып алуға септеседі. 3,5 миллиард еуро – бұл 2024 жылдың басында құрылған «Украина үшін Қор» деп аталатын 50 миллиард еуро көлеміндегі көмек қорының алдын ала бөлігі.
Сондай-ақ, Фон дер Ляйен Украина мен Молдованы Еуроодақтың энергетикалық нарығына интеграциялау бастамасын жариялауды жоспарлап отыр.
Бұл сапар сонымен қатар АҚШ президенті Дональд Трамптың Украина мен Ресей арасындағы бейбіт келіссөздер процесін бастауға қатысты әрекеттерінің контекстінде өтуде. Трамптың Украина президенті Владимир Зеленскийді «сайлаусыз диктатор» деп атап, соғыстың басталуына Украинаны кінәлауы Еуропада үлкен толқу туғызды. Бұл пікір Кремльдің риторикасына сәйкес келеді, сондықтан Трамптың бейбіт келіссөз жүргізу ойына күмәнді молайтты.
Зеленский елінің НАТО-ға кіруі мүмкіндігі болса, бейбітшілік үшін президенттіктен кетуге дайын екенін мәлімдеді. Еуропалық лидерлер, оның ішінде Франция президенті Эммануэль Макрон мен Португалия премьер-министрі Антониу Кошта Вашингтонға сапар шегіп, АҚШ билігімен келіссөз жүргізбекші.
Фон дер Ляйеннің қару-жарақ өндірісін арттырудың «кешенді жоспарын» ұсынуды көздеп отыр. Бұл жоспар Украинаның соғысқа қарсы қуатын арттыруға бағытталады.
АҚШ мемлекеттік хатшысы Марко Рубио, АҚШ-тың Ресеймен байланыс орнатқанын еуропалық одақтастарға түсіндіріп, бұл олардың сыртқы саясатында өзгеріс әкелмейтінін айтты. Рубио, сонымен қатар, еуропалықтарды қажетті жағдай туған кезде келіссөзге шақыратынын білдірді.
Фон дер Ляйен Киевке келе жатқан жолда Путинмен ешқандай келісімге келмейтіндерін тағы да атап өтті: «Ресей бейбіт келісімге шын мәнінде дайын болмаса, санкцияны күшейтеміз», – деді ол.
Осылайша, бұл сапар халықаралық бейбітшілік пен Украинаға қолдау көрсету жолындағы күрделі саяси жағдайлар мен келіссөздер аясында жүзеге асып отыр.
Фото: Evgeniy Maloletka/Copyright 2024 The AP. All rights reserved
