Дүниежүзілік банк, БҰҰ, Еуропалық комиссия мен Украина үкіметінің сарапшылары Украинаны толықтай қалпына келтіруге 524 миллиард доллар керек деп отыр. Бұл туралы «Америка дауысы» жазды.
Жаңа зерттеу басқыншылық басталғаннан 2024 жылдың 31 желтоқсанына дейінгі кезеңдегі деректерді қамтиды.
Зерттеуде қалпына келтіру құны өткен жылғы 486 миллиард доллармен салыстырғанда 7%-дан астамға өскені атап көрсетілген.
Тұрғын үй секторына, көлікке, энергетикаға, саудаға және білім жүйесіне ең көп залал келген.
Соңғы бағалауларға сәйкес, Ресей шабуылының Украинаға тікелей залалының жалпы көлемі 2024 жылғы ақпандағы 152 миллиард доллардан 176 миллиард долларға дейін өскен.
2,5 миллионға жуық үй шаруашылығы бүлінген немесе толықтай қираған. Бұл елдегі жалпы тұрғын үйдің шамамен 13%-ын құрайды.
Сондай-ақ, энергетика саласындағы зақымдар өткен жылмен салыстырғанда 70%-ға артқан. Электр энергиясын өндіру, тарату және жеткізу, сондай-ақ орталықтандырылған жылу жүйелеріне зақым келген.
Фото: WFP / В. Песенти
MalimBlocks
Бәрі сотталады: шетелдегі соғыстарға қанша қазақстандық қатысқан?
1 сәуірде желіде Украинаға қарсы соғысқа қатысқан 660-тан аса қазақстандықтың аты-жөні бар тізім пайда болды. ҚР ІІМ бұл ақпарат расталмағанын айтып, тексеруді талап ететінін мәлімдеді. Tengrinews.kz редакциясы бұл мәселе бойынша ашық деректерді зерттеген
