Венесуэладағы сайлаудан кейін оппозиция жақтаушылары митингке шықты
Венесуэладағы президент сайлауынан кейін оппозиция өкілдері жаппай митингке шығып, биліктен өздерінің жеңісін талап етуде. Қазіргі президент Николас Мадуро қазіргі уақытта мыңдаған "тәртіп бұзушылардың" ұсталғанын мәлімдеді.
Каракас көшелерінде мыңдаған тұрғын назарылық шеруіне шығып, оппозиция өкілі Мария Корина Мачадо мен Эдмунд Гонсалеске қолдау білдірген. Олардың пікірінше, кезекті сайлауда бұл тарап жеңіске жеткен.
Өткен сенбіде наразылыққа қатысушы 2 мыңға жуық адам ұсталған еді. Олар президент сайлауының нәтижесін жоққа шығарып, өздерінің талабын қойған.
Сондай-ақ, Мадуро Мачадо мен Гонсалесті қамауға алу туралы бұйрық берген.
Мачадоға Мадуро үкіметі 15 жылдан бері сайлауға түсуге шектеу қойды. Бұған дейін ол өзінің өміріне қауіп төнгенін айтқан болатын. Ал тағы бір оппозиция жетекшісі Гонсалес сайлаудан кейін бой тасалап, митингте қара көрсетпеген.
Өткен жұма күні олардың кеңсесіне бетперде киген адамдар тобы келіп тінту жүргізген. Ғимарат ішінен олар көптеген құжаттарды өздерімен бірге алып кеткені мәлім болды.
Ал митингке шыққан шерушілер жеңіске жетеміз деп үміттенеді. Өткен сенбі күні Мачадо митингке қатысушылардың алдында жеңіске жеткендерін мәлімдеді.
"Біз сайлауда жеңіске жеттік. Бізде енде жаңа кезең басталады. Сайлауда жеңіске жету үшін бізге көп уақыт керек болды. Енді жаңа дәуірге қарай қадам бастық. Ешқашан біз бүгінгідей мықты болған жоқпыз. Ешқашай жүйе бүгінгідей әлсіз болған жоқ", - деді Мария Корина Мачадо.
Мария Корина Мачадо Венесуэла оппозициясының жетекшісі.
Әлемнің көптеген елдері Венесуэладағы сайлау нәтижесін мойындаған жоқ. Сондай-ақ, Мадуроның жеңісін Үкіметтен дәлелдеуді сұрады. Сайлау алдындағы сауалнама мен тәуелсіз экзит-пол нәтижесі бірінші кезеңде оппозицияның жеңіске жеткенін мойындаған. Бұл ретте Мадуроның елдегі танымалдығы 30 пайыздан 12-ге дейін төмендеді.
Фото: euronews.com
Материал euronews мақаласы негізінде дайындалды
