Ресей стратегиялық ядролық күштерінің қатысуымен ауқымды оқу-жаттығу жұмыстары өткізілді, деп хабарлайды Malim.kz Кремльге сілтеме жасап.
Атап айтқанда, Плесецк ғарыш айлағынан Камчаткадағы «Кура» полигонына «Ярс» құрлықаралық баллистикалық зымыраны ұшырылды.
Сонымен қатар, Баренц теңізі акваториясынан «Брянск» атомдық суасты зымыран крейсерінен «Синева» зымыраны жіберілген.
Оқу-жаттығуға сондай-ақ Ту-95МС алыс қашықтықтағы стратегиялық бомбалаушы ұшақтары да тартылды.
Ресми мәлімет бойынша, жаттығуды Владимир Путиннің өзі басқарған. Таралған видеода Путиннің бос бөлмеде жалғыз отырып, әскери басшылықпен видеобайланыс арқылы сөйлесіп отырған сәті көрсетілген.
Кремльдің мәлімдеуінше, стратегиялық ядролық күштердің оқу-жаттығуы барысында қойылған барлық міндеттер толық орындалды.
Фото: ТАСС/Владимир Смирнов
