Қазақстанда тамыз және қыркүйек айларында «Батыл тойтарыс – 2026» командалық-штабтық оқу-жаттығуы өтеді. Осыған байланысты еліміздің бірқатар өңірлерінде әскери техника мен жеке құрамның қозғалысы күшейеді, деп хабарлайды Malim.kz.
Қорғаныс министрлігінің мәліметінше, оқу-жаттығу аясында қару-жарақ, әскери техника және әскери қызметшілер жауынгерлік дайындық өтетін аудандарға жеткізіледі.
Әскерді тасымалдау бірнеше тәсілмен жүзеге асырылады. Атап айтқанда, теміржол эшелондары, жалпыға ортақ пайдаланылатын автомобиль жолдарындағы әскери колонналар, сондай-ақ майдандық және армиялық авиация қолданылады.
Ведомство азаматтар мен бұқаралық ақпарат құралдары өкілдерін тек ресми ақпаратқа сүйенуге және тексерілмеген мәліметтерді таратпауға шақырды.
