Қазақстанда жол қозғалысы ережелеріне бірқатар өзгерістер енгізілмек. Сенат бірінші оқылымда электрмобильдерге арнайы жасыл мемлекеттік нөмір беру туралы заң жобасын мақұлдады. Заң күшіне енгеннен кейін жасыл нөмірлер шамамен алты айдан соң беріле бастайды.
Құжатқа сәйкес, шағын электр көліктерінің (самокат, скутер, ховерборд және монодөңгелек) жүргізушілеріне автомобиль жолдарымен жүруге тыйым салынады. Олар тек тротуарлар мен веложолдарды пайдалана алады.
Сондай-ақ жүргізуші куәлігінсіз мас күйде көлік жүргізген азаматтарға жаза күшейтіліп, олардың 7-8 жыл бойы жүргізуші куәлігін алуына шектеу қойылады. Бұдан бөлек, заң жүргізушісіз көліктерді сынақтан өткізу мен пайдаланудың құқықтық негізін қалыптастырады.
Алдын ала мәлімет бойынша, жасыл нөмірлер тек толық электрмобильдерге беріледі, ал қосылатын гибридтер бұрынғы ақ нөмірлермен қалады.
