Лондон арбитраждық сотындағы «Қазақтелеком» мен «Кселл» арасындағы дау 22 миллион доллар өтемақы төлеумен аяқталды.
«Қазақтелеком» АҚ баспасөз қызметі таратқан мәлімет бойынша, тараптар келісімге келіп, мамыр соңында «Қазақтелекомға» 22 миллион доллар өтемақы төленген.
«Арбитраждық анықтаулардан кейін тараптар келісімге келді. 2021 жылдың мамыр айының соңында «Қазақтелекомға» 22 миллион доллар өтемақы төленді. Барлық анықтаулар осымен тоқтатылады», - делінген хабарламада.
2018 жылы «Қазақтелеком» келісім бойынша Telia Company және Fintur Holdings BV компанияларынан «Кселлдің» 75 пайыз акциясын сатып алған. 2019 жылдың қыркүйегінде Лондон арбитражды сотына қарсы тараптың келісімде көрсетілген міндеттерін орындамағанына шағымданған.
