Қызылорда облыстық прокуратурасы өңірде жыл басынан бері қылмыс деңгейі 10%-ға төмендеген, деп хабарлайды Malim.kz.
Ведомствоның мәліметінше, құқық бұзушылықтың алдын алу аясында бұрын сотталған және бақылауда тұрған 1500-ден астам азамат тексеріліп, олардың қайта қылмыс жасауына жол бермеу бойынша профилактикалық жұмыстар жүргізілген. Соның нәтижесінде аса ауыр қылмыстар – 5%-ға, қорқытып алу – 80%-ға, ұрлық – 34%-ға, мал ұрлығы – 36%-ға, ал бұзақылық 48%-ға азайған.
Сондай-ақ прокуратура азаматтардың құқықтарын қорғау бағытындағы жұмыстың нәтижесін жариялады. Прокурорлар қылмыстық қудалау органдары қабылдаған 38 заңсыз шешімді келісуден бас тартып, заңсыз ұсталған 14 азаматты уақытша ұстау изоляторынан босатты.
