Әнші-сазгер Нұрлан Еспанов мемлекеттік деңгейде атақ ала алмай жүргеніне тағы қынжылысын білдірді, деп хабарлайды Malim.kz.
Менің ақкөңілдігім бәрін құртты. Бір үлкен азаматымызға: «Сіздер мені 10 жыл алдадыңыздар ғой. Неше түрлі қағаз жинаттыңыздар. Неге мені өздеріңіз іздемейсіздер?» - дедім. Мен олар үшін көп нәрсені тегін істедім. Ұзақ жылдар бойы «ҚР Еңбек сіңірген қайраткері» атағын ала алмай жүрмін. 10 жыл уәде берді. Менен 10 жас, 20 жас, бір күні 30 жас кіші балалар «ҚР Еңбек сіңірген қайраткері» атағын алып жатты, - дейді Нұрлан Еспанов «Астарлы ақиқат» бағдарламасында.
Ол үлкен қызметке де талпынғанда жоғарыдағы көкелері: «Сенің географияң келгенімен, биографияң келмейді» деп айтыпты.
Еске салсақ, Нұрлан Еспанов бұған дейін де Мақсат Базарбаев екеуі атақ-дәрежесіз жүргенін жеткізген.
Фото: https://www.instagram.com/espanov_olzhas/
MalimBlocks
