Алтынай Жорабаева сүйінші жаңалығын жеткізді
Әншінің қызы Қытайдағы ең беделді жоғары оқу орнына грантқа түскен.
Отандық әнші Алтынай Жорабаева оқырманына қуанышты жаңалығын жеткізді, деп хабарлайды Malim.kz.
Өнер иесінің тұңғышы Қытайдағы мықты жоғары оқу орындарының біріне грантқа түскен.
Сүйінші! Алланың қалауымен тұңғыш қызымыз Аяулым Қытай Халық Республикасының Бейжің қаласындағы ең мықты университетке грантқа оқуға түсті. Аяулым былтыр Қазақ ұлттық университетін қызыл дипломмен бітіріп, бір жыл жұмыс істеп, арасында жапон, кәріс, қытай тілдерін меңгеріп жүрді. Оқуға, басқа тілге қатты қызығатынын Гүлсінай әпкесі байқап: «Аяулым, сен деген қандай алғыр баласың! Сен осы Қытайдағы жоғары оқу орнына тапсырып көрсеңші. Мысалы, біздің президентіміз Қасым-Жомарт Кемелұлы Тоқаев Қытайдың мықты университетінде оқыған ғой» депті. Сөйтіп Аяулым бүгін осындай ректордың шақырту қағазын алып, төбеміз көкке жеткендей қуанып жатқан жайымызды сіздермен бөлісіп жатырмыз. Бізге тілеген тілектеріңіз өздеріңізге еселеп қайтсын, - деп жазды өнер иесі.
Фото: Instagram/altynaizhorabayeva
