Ата-анасы үшін әйелінен ажырасқан актер екінші рет үйленбек

Танымал актер Нұрсұлтан Жақсыген екінші рет үйленетінін айтып, жаңалығын бөлісті, деп хабарлайды Malim.kz.

Өнер иесі Меккеге қажылық сапарға аттанып, жақсы жаңалығын жариялады.

“Love story мен неке қию рәсімі өтетін мекен белгілі болды. Таптым-ау, сені. Алланың қалауымен жүректер тыныштық табатын мекенге қайта келдім. Жаңбыр жауғанда дұғалар сөзсіз қабыл болады дейді. Жүрегімдегі барлық нәрсені айтып ерекше сезімде болдым. Түрлі сынақ келсе де мойымайтын мінез, жалғызсырамайтын жүрек бергеніне шүкір дейін. Дұғамды айтып жатқанда шынайы бақытты сезіндім, жүрекпен қабылдаған шешімнің барлығы Алланың қалауы екеніне көзім жетті. Кейде бізге ұнамайтын нәрселерге сабыр етсек, артында үлкен сый жататынын осында ұғындым”, – деп жазды актер. 

Еске салайық, актер екі баласын өмірге әкелген әйелімен не себепті ажырасқанын былай деп түсіндірген еді:

“Ауылдан ата-анамды қалаға алып келіп, қанша ғұмыры қалды дейсің жағдайын жасап, немерелерінің алдында мәз болып жүрсін деп едім. Өздері қалаға үйренісе алмай жүргенде келінінен сөз есту қандай қиын десеңші”, – деді ол.

Фото: Әлеуметтік желі