Димаштан басқа Қазақстанды әлемге кім танытады? Министрдің жауабы
Министрдің айтуынша, ол – жас опера әншісі Айгерім Алтынбек
Мәдениет және ақпарат министрі Аида Балаева Димаш Құдайбергеннен басқа, ел намысын халықаралық деңгейде таныта алатын тағы бір отандық өнерпаз туралы айтты, деп хабарлайды Malim.kz.
Министрдің айтуынша, ол – жас опера әншісі Айгерім Алтынбек.
Үкімет кулуарларында журналистер Аида Балаевадан Димаштан басқа Қазақстанды дүниежүзіне танытатын қай өнер иесі бар екенін сұрады.
Білесіздер ме, қазір шетелде білім алып жүрген опера әншісі бар – Айгерім Алтынбек. Биыл ол Италияда өткен барлық дерлік халықаралық байқаулардың жеңімпазы атанды. Қазіргі таңда біз оны әлемдік деңгейдегі жетекші орындаушылармен бірге сахнаға шығаруға байланысты келіссөздер жүргізіп жатырмыз, – деп жауап берді министр.
Сондай-ақ, Аида Балаева министрлік тарапынан Айгерім Алтынбекке қолдау көрсетілетінін атап өтті.
Фото: mustafinmag.kz
