Жақында ғана екінші баласын дүниеге әкелген қазақстандық әнші Мақпал Исабекова қызының есімін жария етті, деп хабарлайды Malim.kz.
Өнер иесі сәбиін Илая деп атаған.
Мақпал әлеуметтік желіде оқырмандарынан қызына қандай есім бергенін тауып көруді ұсынған. Жанкүйерінің бірі дәл тапқан.
Исабекова Илая есімінің иврит, араб және грек секілді үш тілдегі мағынасын түсіндірген.
Иврит тілінде Илай есімі «менің Құдайым» дегенді білдіреді. Иудаизмде Илай есімі бір Құдайға ғана сену дегенді білдіреді. Араб тілінде Илай есімі «Құдайға бағытталған» немесе «Құдайға тиесілі» деп аударылатын сөзден шыққан болуы мүмкін. Грек мәдениетінде «жарқыраған» немесе «сәуле» сөздерінен алынған. Бұл адамның батыл мінезін аңғартады, - деп жазды Мақпал.
Естеріңізде болса, шілде айының басында әнші екінші баласы дүниеге келгенін сүйіншілей хабарлаған. Бірнеше күннен соң туған-туыстары мен достары оны перзентханадан дүркіретіп шығарып алды.
Фото: instagram.com/makosyai
Байланысты жаналықтар
MalimBlocks
