Раймның бұрынғы сүйіктісіне ұсыныс жасаған кәсіпкер қызу талқыға түсті

Танымал әнші Раймның бұрынғы сүйіктісі Наргиз Рамазанқызына үйленуге ұсыныс жасалғаны белгілі. Көпшілік оның болашақ күйеу жігіті бірнеше рет үйленіп, ажырасқан деген әңгімені қызу талқылап жатыр, деп хабарлайды Malim.kz.

Осы жағдайға байланысты Наргиздің сүйіктісі ретінде аталған Жәнібек Ерболатұлы мәлімдеме жасап, бұрын ажырасқанын растады.

Ешкімнің аузына қақпақ бола алмаймын. Ажырасқаным рас. Бірақ ешкім менен зардап шекпеген. 4-5 әйел алды деген өтірік. Олай айтпаңыздар. Рамазанда ұстаған оразаларыңыз мені өсектеп зая кетпесін. Басқалар сияқты үсті-үстіне тоқал алған емеспін. Ешкім ажырасамын деп үйленбейді. Әркімнің өз айыбы бар. Біреулер жалға машина алып жүр деп жазып жатыр, ол өзімідікі, - деп жазды кәсіпкер жігіт.

Ол ажырасқан адамдардың да бақытты болуға мүмкіндігі бар екенін атап өткен.

Ажырасқан адам бақытты бола алмай ма? Ешкім сау сиырдың тезегі емес, әркімнің бір өткен оқиғасы бар. Айналайындар-ау, кім ажыраспай жатыр. Осы өсектің артында жақсы болашақ күтіп тұрғанына сенімдімін. Алла Тағала барлығыңыздың отбасыңызға береке берсін, еліміз аман, жұртымыз тыныш болсын, — деп жазды кәсіпкер.

Фото: әлеуметтік желі