Ұлттық қоғамдық сенім кеңесінің мүшесі Айгүл ОРЫНБЕК мемлекет басшысы Қасым-Жомарт ТОҚАЕВ көпшілік көкейінде жүрген мәселелерді айтты дейді.
«Жалпы, бүгінгі жолдау маған ұнады. Себебі өзім көтеріп жүрген мәселелерге президент көңіл аударыпты. Соның бірі адамның қауіпсіздігі. Полиция қызметкерлерінің рөлі. Мен оны үнемі айтып жүрмін. Полицияның барлық бөлімдерінде камералардың орнатылуы бұрынан көтеріліп келе жатқан мәселе. Өздеріңіз білесіздер полиция бөлімінде адамдарды ұрып-соғу фактілері болып жатады. Содан кейін ауыл-аймақтардағы ауыз су мәселесі де қамтылған. Соттың ашықтығы, прокуратура қызметкерлерінің бақылау орган екенін президент ашық айтты. Заңгер ретінде маған жолдаудың осы тұсы ұнады. Жол мәселесі де айтылды. Бізде әкімдер орталық көшелерді қайта-қайта жасай береді. Керісінше қала сыртындағы көшелердің жөнделмегеніне 20 жылдан асты. Қоғамдық сенім кеңесінің мүшесі ретінде айтқан үндеулеріміздің президент аузынан естігенімізге қуанып отырмыз. Енді президенттің жолдауда айтқандарын үкіметтен, әкімдерден талап етуіміз керек. Президент қоғамдық кеңестер рөлін арттыру керек деді. Қоғамдық бақылауды күшейту керек. Сол кезде жолдауды іске асырушы билік жұмыс жасайтын болады. Халық талапшыл болуды үйрену керек», - деді Айгүл Орынбек.
Мемлекет басшысы Қасым-Жомарт КЕМЕЛҰЛЫНЫҢ Қазақстан халқына жолдауынының толық мәтінін мына жерден оқи аласыздар.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
