Алматыда халықаралық Digital форумы өтіп жатыр
Алматыда «Digital Almaty: Х индустриясы – болашақтың цифрлық эволюциясы» атты цифрлық форумы басталды. Оған халықаралық сарапшылар, сала көшбасшылары, IT және бизнес саласындағы жетекші инноваторлар қатарынан 200-ден аса спикер қатысып жатыр.
Форумда цифрлық даму, инновациялар және аэроғарыш өнеркәсібі министрі Бағдат Мусинн өнеркәсіпті цифрландыру – бүгінгі күннің жаңа талабы екенін айтты. Министр экономиканың әртүрлі салаларында, соның ішінде машина жасау, тұрмыстық техника және тау-кен өнеркәсібінде қолданылатынын атап өтті.
-Мемлекет басшысы алдымызға 2026 жылға қарай ІТ-экспорт көлемін 1 млрд долларға дейін ұлғайтуды және Қазақстанды өңірдегі жетекші цифрлық орталықтардың біріне айналдыру міндетін қойды. Біздің барлық бастамаларымыз, соның ішінде Google for Startups және Draper University-мен бірлескен бағдарламалар, Silkroad Innovation хабын іске қосуға қолдау көрсету, Digital Bridge және Digital Almaty IT форумдарын өткізу – осы мақсатқа жету құралдары,-деді форумда Бағдат Мусин.
Министр Digital форумы бизнес өкілдері, халықаралық сарапшылар, IT-қоғамдастық кездесетін бірегей алаң екенін айтты.
-Форумда ұсынылған идеялар нақты шешімін табады. Оған жарқын мысал: 2023 жылы Кремний алқабында Silkroad Innovation Hub құрылуы. Бүгінде хаб жаңа стартап жобалардың тартылыс нүктесіне айналды әрі өңірімізде цифрлық шешімдерді қолдану аймағын кеңейтуде күш-жігерін біріктірді. Бұл жерде стартаперлер өз идеяларын көрсетуге және инвесторлар табуға мүмкіндік алады, - деді Бағдат Мусин.
Digital Almaty VI форумы өнеркәсіптегі цифрлық трансформация, GovTech, 4.0 индустриясы, ESG, Smart City және басқа да салалардағы инновациялық шешімдерді ұсынатын ауқымды іскерлік бағдарламаны ұсынбақ.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
