Алтын алқа мен батыр аналардың жәрдем ақысы көбейеді.

Қазіргі таңда алты не жеті бала туған, тәрбиелеп отырған аналардың алып отырған жәрдемақылары бірдей.

2023 жылдың бірінші шілдесінен бастап республикалық бюджеттен көп балалы аналарға, яғни «Алтын алқа», «батыр ана» атағын алған аналарға, 7 не одан да көп бала өсіріп отырған аналарға, I және II дәрежелі «Ана даңқы» ордені бар аналарға берілетін жәрдемақы-25530 теңгеге өседі. Бұл тиісті норма ҚР Әлеуметтік кодексімен көзделіп отыр.

ҚР Әлеуметтік Кодексіне Мемлекет басшысы қол қойып, тоғыз заңмен шоғырландырып, еңбек және халықты әлеуметтік қорғау министрлігі әзірлеген. Кодекс азаматтарды әлеуметтік тұрғыда қолдауды қамсыздандырып, құқықтық негіздерін нығайтып, азаматтарды әлеуметтік тұрғыда қолдаудың атаулылығын жақсартып, күшейтуге бағытталған.

Әлеуметтік кодекстің іске асырылуы – әлеуметтік қамсыздандыру жүйесінің кезеңдермен халықаралық стандарттар деңгейіне келтіруге, халықтың проактивті форматпен мемлекет ұсынған шараларға қолжетімділігін қамтамасыз етуге, жұмыспен қамту үшін көмектің белсенділігі мен ашықтығын қамтамасыз ете алады.

«Күміс алқа», Алтын алқа» алқасымен марапатталған сондай-ақ, бұрын «Батыр Ана» атағын алып I және II дәрежелі «Ана даңқы» орденімен мараптатталған аналарға – «Наградталған ана» деген ұғым енгізілетін болады.

Наградталған аналар үшін төленетін жәрдемақының мөлшерін ҚР Әлеуметтік кодексімен саралау қарастырылып отыр. Наградталған аналар үшін берілетін жәрдемақы мөлшері 2023 жылдың бірінші шілдесінен бастап-25 530 теңгеге өсетін болады және бұл жәрдемақы саны 90 мыңға жуық аналарды қамтиды.