Автомобиль жолдары саласында білікті маман жетіспеушілігі – өткір мәселе. Сондықтан «Жол активтерінің ұлттық сапа орталығы» Республикалық мемлекеттік кәсіпорны былтырдан бері оқушылар арасында кәсіби бағдарлау жұмыстарын жүргізе бастады, оның барысында жол жөндеуші мамандығы туралы, осы кәсіптің артықшылықтары мен келешегі туралы жас түлектерге жан-жақты ақпарат беріледі.
Былтыр құрылған «Жол активтерінің ұлттық сапа орталығы» РМК жол саласына қатысты проблемаларды зерделеп, оларды шешу бағыттарын айқындады.
«Жол активтерінің ұлттық сапа орталығы» РМК Бас директоры Замир Сағыновтың айтуынша, бұрын аймақтық зертханалар республикалық жолдардың сапасын тексеріп, оның кемшіліктерімен күрессе, қазір құрылған орталық барлық жалпыға ортақ жолдарды, соның ішінде жергілікті жолдарды тұтас қамтиды. Орталық әлемдік деңгейде қалыптасқан стандарттарды кеңінен енгізуде.
"Осылайша, мейлінше білім ордаларын көп қамту мақсатымен «1000 мектеп» акциясы қолға алынды. Бұдан басқа, Жол активтерінің ұлттық сапа орталығы болашақ автожол саласы мамандарын дайындайтын, еліміздің колледждерімен және ЖОО-лармен де белсенді жұмыстар жүргізеді. Бұл шара аясында 715 мектеп, 12 ЖОО, 17 колледж қамтылды. Кәзір ZOOM және Instagram тұғырнамасында, онлайн-негізде бұл шаралар тоқтаусыз жалғасуда", - дейді Замир Сағынов.
Биылдан бастап, студенттерге ақы төленетін практикадан өтулеріне мүмкіндік жасалған. Жаз бойы Орталықта 45 студент атқарған еңбектеріне қарай ақысын алып, теориялық білімдерін нақты жұмыспен ұштастырып, тәжірибеден өтті.
Осындай нақты шаралар арқылы автомобиль жолдары саласында білікті маман тапшылығын жою жұмыстары басталды.
"Қазіргідей ақпараттық технологиялар мен жаппай цифрландыру заманында жастарға жүктелер жауапкершілік те зор. Сондықтан, жастарымыз бағындыратын жаңа технологиялар жолдың сапасын жақсартуға, оның жағдайын бақылауға, өзгерістерді көруге, трафик ағынын басқаруға, сонымен қатар талдау жасауға мүмкіндік бермек", - дейді Орталық басшысы.
Жолдың сапалы салынуы, мұқият және стандарттарға сай жөндеуден өткізілуі, түптің түбінде – адам өмірін, әсіресе сәбилердің, мектеп оқушыларының өмірлерін сақтап қалуға әкелетінін естен шығармау қажет.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
