Назарбаевтың тұңғыш ұлы Нұрбол Назарбаев әкесіне қарсы сотқа арыз жазды. Ол соттан әкесі мен оның бұрынғы әйелі Гүлнұр Дүйсебаеваның некесін «жарамсыз» деп тануды сұраған.
Болат Назарбаев бұрын, бірнеше жыл қатарынан үш әйелге - Гүлжан, Майра және Гүлнұр Назарбаеваларға үйленді.
Гүлжан Назарбаева (бірінші заңды әйелі, 2020 жылы қайтыс болған). Гүлжан тірі кезінде Болат Назарбаев Майра Құрманғалиеваға үйленді (бұл 2001 жылы болған). 2009 жылы Экс-президенттің інісі, Гүлнұр Дүйсебаеваға үйленген еді.
Енді Нұрбол азаматтық соттан өзінің ар-намысы мен қадір-қасиетін қорғауды сұрайды. Аталған іс бойынша ертең, яғни 21 сәуір күні алдын ала тыңдалым өтпек.
Ал осыдан бірнеше ай бұрын Болат Назарбаев бұрынғы әйелі Дүйсебаевамен некесін заңсыз деп тануды талап етіп, сотқа жүгінген. Алайда Дүйсебаева қарсы талап қойып соттан, бірлесіп сатып алған екі автокөліктен пайда және моральдық шығын мен балаларына алимент өндіру үшін 10 миллион теңге төлетуді сұрады. Сот оның талабын ішінара қанағаттандырды. Бірақ олардың некелері Назарбаев бір мезгілде үш әйелге үйленсе де, заңды деп танылды.
Айта кетейік, Нұрбол Назарбаев құқық қорғау органдарында қызмет атқарып, полиция полковнигі шеніне дейін көтерілген. Тіпті 2022 жылы Forbes журналы оны қазақстандық ең бай 50 бизнесменнің қатарына қосқан.
