БҰҰ-ның адам құқықтары жөніндегі сарапшылары Қытай түрмелеріндегі ұлттық және діни азшылықтардың ішкі құрылысын күштеп алып жатыр деген сенімді ақпараты бар екенін мәлімдеді.
БҰҰ сарапшылары өз мәлімдемесінде қамаудағы ұлттық, діни азшылық өкілдерінен келісімінсіз ішкі ағзасы мен қаны тексерілетінін жазады. "Қытайда органдарды күштеп алу қамаудағы белгілі бір ұлттық, діни азшылықтарға қарсы бағытталған, олар еш себебін түсіндірместен ұсталған".
БҰҰ сарапшыларының мәліметінше, ең көп алынатын органдар – жүрек, бауыр, бүйрек, көздің қасаң қабығы. Бұл шаралар тыйым салынған Фалуньгун, тибеттіктер, ұйғырлар, мұсылмандар мен христиандарға қарсы қолданылады.
БҰҰ-ның арнайы өкілі мен заңсыз қамауға алу жөніндегі жұмыс тобы бұл мәлімдемелерді "алаңдатарлық" деп бағалады.
БҰҰ бұл мәселені 2006 және 2007 жылдары да көтерген. "Органдарды ерікті түрде беру жүйесі дамып жатқанына қарамастан, Қытайда трансплантациялауға органдарды сатып алуда адам құқықтары өрескел бұзылатыны жайлы ақпарат шығып жатыр. Түрмедегілер донор болуға немесе органдарын беруге шын мәнінде келісім беріп жатқан-жатпағанын қадағалайтын тәуелсіз бақылаудың жоқтығы алаңдатады. Сондай-ақ ұсталғандар мен қамалғандардың туыстарына олардың денелері талап етуге рұқсат етілмейді деген ақпарат бар", - делінген мәлімдемеде.
Женевадағы Қытай үкіметінің өкілі бұл ақпаратты терістеп, ҰҰ сарапшыларына тыйым салынған сепаратистік ұйымдар жалған ақпарат бергенін мәлімдеді.
Фото: Reuters
