Денсаулық сақтау министрі Алексей Цой наурыз айының аяғында коронавирус шарықтау шегіне жетеді деп болжайды. Бұл туралы министр бүгін өткен үкімет отырысында мәлімдеді.
Денсаулық сақтау министрлігі 2021 жылы эпидемиогиялық ахуал бойынша жаңа болжамын ұсынды.
"Қазіргі шектеу шаралары, міндетті түрде маска тағып жүру, әлеуметтік арақашықтықты сақтап жүрсек және вакцинация басталса, вирустың шарықтау шегі наурыз айында тіркелмек", - дейді Цой.
Цой ұсынған жағымды сценарий бойынша, наурыз аяғында вирус күніне 3 мың адамнан анықталады, 24 мың төсек орын бос болмайды. Бірақ жағымды сценарий іске асса, министрлік қатаң шектеу шараларын енгізбейді.
Ал жағымсыз сценарий бойынша вирус күніне 6 мыңнан 9 мыңға дейін адамнан анықталады. Ауруханадағы 45 мың төсек орын бос болмайды.Егер жағымсыз сценарий іске асса, министрлік қатаң локдаун енгізеді.
MalimBlocks
Мүгедектікті белгілеу бойынша 52 мыңнан астам өтінім сырттай форматта қаралды
Мүгедектік тобын белгілеу жөніндегі қызметті алу үшін өтініш берушіге тұрғылықты жері бойынша емханаға жүгіну және қажетті тексеруден өту қажет, қалған процестер ақпараттық жүйелерді интеграциялау есебінен оның қатысуынсыз өтеді.
