Ақпанның 6-күні астанадағы бірінші президент кітапханасында Елбасы туралы жазылған 6 кітаптың тұсауы кесіліп, онда жинақты құрастырушылар мен Н.Назарбаевпен қатар еңбек еткен замандастары жастарға көрген білгендерін айтыпты. Бұл жиынның қалай өткенін Newtimes сайты жазды.
Сайттың жазуынша, жиында сөз сөйлеген депутат Қуаныш Сұлтанов Н.Назарбаевтың елге сіңірген еңбегінің маңызы мен атқарған жұмысының ауқымын жастар толық түсіне алмай жүр деген.
Ал академик Қабидолла Сарекенов бүй депті:
«Жалпы, ол (Н.Назарбаев) құдай берген таланттан кенде емес. Журналистер оның кемшілігі бар ма деп сұрайды. Қыз-келіншектер туралы сұрайды. Мен оларға кемшіліксіз адам бола ма деймін. Болады, әрине. Егер мен айта бастасам, сіздер оны қайтадан сайлайсыздар. Сондықтан, ондай болмас үшін, о жайында айтпаймын. Журналистер үнемі осыны біліп алғысы келеді. (...) Ол көпқырлы адам — жақсы мағынасында әртіс. Сценарий жазып, оқып берсеңдер кез келген рөлді оп оңай ойнап береді. Әне, кітаптағы суреттеріне қараңдаршы, қалай түскен, қалай ғана позирует! Прекрасно! Сондықтан, егер сіздер ол диктатор десеңіздер, ол (рөлді) сомдап диктатор бола салады. Оның табиғатында диктаторлық жоқ, ол сондай адам. Сол себепті енді бұлай айтпаңыздар.
фото: Newstimes сайтынан алынды
Байланысты жаналықтар
MalimBlocks
