Карантин режимін бұзғандарды "Сергек" арқылы ұстамақ

Malim Админ

  • 30.03.2020

Бүгін брифинг өткізген Алматы қаласы полиция департаментінің басшысы Қанат Таймерденов карантин режимін бұзған автокөліктерді "Сергек" камералары арқылы ұстайтынын мәлімдеді.

"Қаланың сыртындағы 27 блок бекетте "Сергек" камералары қойылған. Қаланың ішіне кім кіріп жатыр, кім шығып жатыр, көріп отырмыз. Қаланың ішінде де "Сергек" камереларын қолданатын боламыз. Сотта сол адам карантин режимін бұзғанын"Сергек" жазбалары арқылы дәлелдейміз", - деді Қанат Таймерденов.

Қ.Таймерденовтың айтуынша, қалада бей-берекет жүрген автокөліктер көп. Сол себепті қаланың ішіне қаланың ішіне 26 блок пост қойылыпты. Енді полицейлер бұл көлік иелерінің карантин режимінде жұмыс істеуіне рұқсаты бар-жоғын тексермек. "Тек қана қалаға тиесілі, жұмыс істеуге рұқсат берілген азаматтардың көліктері ғана жүруі тиіс. Бірінші күні ескерту жасаймыз. Екінші күннен бастап оларды әкімшілік жауапқа тартамыз, әкімшілік кодекстің 785-бабына сәйкес, мұндай автокөліктер айыппұл тұрағына жөнелтіледі", - дейді қалалық полиция департаментінің басшысы.

Сонымен қатар полицейлер көшедегі адамдарды да тексермек. Көшеге таяқ тастап жердегі азық-түлік дүкені, дәріханаға немесе ауруханаға бару үшін шығуға ғана рұқсат етілген. Карантин режимінде жұмыс істеуге рұқсат етілген мекеме жұмысшыларының арнайы анықтамасы болуы тиіс. Жұмыстан берілген анықтама болмаған жағдайда  ол адам полиция учаскесіне жеткізіледі, әкімшілік жауапқа тартылады.

Қ.Таймерденов кәмелет жасына толмағандар көшеде ата-анасының қарауынсыз жүрсе, ата-анасына айыппұл салынатынын ескертті.

Сондай-ақ карантин режимінде үй жануарларымен үйден 500 метр радиуста ғана серуендеуге рұқсат етілген. Полицейлер ит-мысықтарын қыдыртып жүрген азаматтардан мекенжайларын сұрауы мүмкін.

 

Байланысты жаналықтар

Алматы облысында жол апатынан 3 адам қайтыс болды  

24.03.2024

Алматыда Наурыз мейрамы қалай өтіп жатыр

22.03.2024

Наурыз мейрамына қандай мерекелік шаралар ұйымдастырылады?

21.03.2024

Наурызнама: Бүгін - Ынтымақ күні

21.03.2024

Тоқаев жұмыс сапарымен Алматы қаласына барды

20.03.2024

Бас прокуратура Ерлан Тұрғымбаевқа қатысты мәлімдеме жасады

20.03.2024
MalimBlocks
Алматы облысында жол апатынан 3 адам қайтыс болды  

Алматыда Наурыз мейрамы қалай өтіп жатыр

Наурыз мейрамына қандай мерекелік шаралар ұйымдастырылады?

Наурызнама: Бүгін - Ынтымақ күні

Астана мен Алматыда қандай іс-шара өтеді?

Тоқаев жұмыс сапарымен Алматы қаласына барды

Бас прокуратура Ерлан Тұрғымбаевқа қатысты мәлімдеме жасады

Мәлімдемеде экс-министрден жауап алынғаны айтылған.