Вице-премьер Ералы ТОҒЖАНОВТЫҢ айтуынша, коронавирусқа қатысты жағдай үкіметтің бақылауында. Бұл туралы ол Үкіметтің баспасөз орталығында өткен брифингте мәлімдеді.
«Президент Қасым-Жомарт Тоқаев Қытайда шыққан коронавирустың Қазақстан аумағына таралмауына жол бермеу жөнінде Үкіметке нақты тапсырмалар берген. Бұл мәселе президенттің жеке бақылауында. Үкімет отырысында премьер-министрдің қатысуымен күн сайын қаралады. Арнайы іс-жоспарлары бүгін де бекітілген. Аталған мәселені жіті қадағалауда ұстау мақсатында құрылған үкіметтік ведомствоаралық комиссияның тұрақты жұмысы атқарылып, күнделікті қажетті шаралар бойынша нақты шешімдер іске асырылуда», - деді үкімет басшысыынң орынбасары Ералы Тоғжанов.
Сондай-ақ, бұл мәселеге қатысты өңір басшыларына да тапсырмалар берілген. Денсаулық сақтау министрі Елжан БІРТАНОВ болса, қатерлі вирус тараған жағдайда жоспары барын айтты.
«Ең бастысы – елімізде коронавирус инфекциясын жұқтырған адам анықталған жағдайға дайын болу. Ол тұрғыда бізде «Б» жоспары бар. Ол жоспар әзірленіп, барлық мемлекеттік органмен мақұлданды. Бұл жоспардың негізі – Қазақстан аумағында инфекцияның таралуын барынша шектеу. Қазіргі уақытта барлық мемлекеттік органмен, әкімдікпен тиісті жұмыстар жүргізіліп жатыр», - деді министр Біртанов.
Гонкогтың басылым «South China Morning Post» хбарлауынша, қазір коронавирусты әлемде жұқытрығандардың саны 84 мыңнан асқан. 3 Мыға жуық адам қайтыс болса, 42 мыңнан астамы сайығып кеткен. Вирусты жұқтырғандардың көбі Оңтүстік Корея елінің азаматтары (3 736). Италияла 1 694 адам ауырса, Иранда мыңға жуық адам ем алып жатыр.
Фото: liter.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
