Көш көлікті, «Еңбек» табысты болсын!

2020 жылдың 8 айында халқы тығыз орналасқан, жұмыс күші көп, жұмыс орыны өте аз өңірлерден  жұмыс күші тапшы, тұрғындары аз, қараусыз қалған өңірлерге, яғни, оңтүстіктен теріскейге жалпы саны 4 386 адам, оның ішінде еңбекке жарамды жастағы 2 303 адам бар 1 273 отбасы қоныс аударыпты. Еңбекке жарамды отбасы мүшелерінің ішінен 1 652 адам жаңа тұрғылықты жері бойынша жұмысқа орналасқан. Бұл көші-қон «Еңбек» мемлекеттік бағдарламасының арқасында жүзеге асып келеді. «Еңбек» ерінбей еңбек етемін деген жанға, жұмыс іздеген адамға барынша қолдау білдіріп келеді. Мәселен, Ажар Қуанышқызы оңтүстіктен солтүстікке көшіп келген жанның бірі. «Еңбек» бағдарламасы оған «Бастау Бизнес» жобасы аясында 555 600 теңге берген. Бұл ақшаға ол екі бұзаулы сиыр сатып алған. «Жоспарым – мал басын көбейту. Мемлекеттің қолдауына ризамын. Халық үшін жақсы бастама. Оңтүстіктен солтүстікке қоныс аударып келгенде демеу берді. Енді міне, бизнес бастауға жәрдемдесіп жатыр» - деәді ол мәлім.кз тілшісіне.

Айта кетерлігі, жұмыс күшіне сұраныс көп аймаққа ерікті қоныс аудаушылар үшін мемлекет субсидия түрінде мынандай қолдаулар көрсетеді:

–  көшуетін отбасының әрбір мүшесіне 35 АЕК-тен бір жолғы төлем (92 мың теңге);

-– 12 ай ішінде ай сайын 15-тен 30 АЕК-ке дейін (39 мыңнан 79 мың теңгеге дейін) тұрғын үйді жалдау (жалға алу) және коммуналдық қызмет шығындарын өтеу отбасы мүшелерінің санына және жергілікті жерге байланысты төленеді.

Сондай-ақ қоныс аударушыларға тұрғын үй беру қарастырылады.

Солтүстік Қазақстан облысында жеке тұрғын үй құрылысының 714 нысаны салынады, Павлодар облысында қоныс аударушыларды тұрғын үймен қамтамасыз ету үшін 441 пәтер сатып алынады.

2020 жылы барлығы 5 825 адамды (1 631 отбасы) көшіру жоспарда.

«Еңбек» мемлекеттік бағдарламасымен бұған дейін 4,3 мыңнан астам адам жұмыс күші тапшы өңірлерге қоныс аударған.