Беларусь Республикасының президенті Александр ЛУКАШЕНКО мемлекет басшысы Қасым-Жомарт ТОҚАЕВТЫ құттықтады. Бұл туралы Александр ЛУКАШЕНКОНЫҢ баспасөз қызметі хабарлады.
«Сіздің күш-жігеріңіздің, жауапты және тиімді басқаруыңыздың арқасында Қазақстан Республикасы тұрақты экономикалық өсімді, мемлекеттік қайта құруда жетістіктерді көрсетіп, халықаралық аренада өз позициясын және беделін нығайтып келеді», - делінген құттықтау хатында.
Сондай-ақ, Беларусь Республикасның басшысы Тоқаевтың екі ел арасындағы ынтымақтастықты дамытудағы еңбегін жоғары бағалады.
«Өзара қолдау мен мен достық қарым-қатынас Беларусь Республикасы мен Қазақстан Республикасының арасындағы жан-жақты байланыстарды одан әрі нығайтуға, достық, сенімді және әріптестік қатынастарды бекітуге ықпал ететініне сенімдімін», - деп аяқталды құттықтау хаты.
Қазақстан Республикасының екінші президенті Қасым-Жомарт КЕМЕЛҰЛЫ бүгін 67 жасқа толды.
Фото: akorda.kz
