Қыста Нұр-Сұлтан қаласының әкімі Алтай КӨЛГІНОВТЫ қалың жауған қар әбігерге салып еді. Енді екі күнгі жауын астана әкімдігінің мазасын алды.
Нұр-Сұлтан қаласы коммуналдық қызметі көшелерден 20 мың текше метрден астам жаңбыр суын сорып алды. Жауын суымен күресуге 140 арнайы техника жұмылған.
«Көшелерді су басуға жол бермеу үшін нөсерлік кәріз құрылысы мен коллекторларды тазарту бойынша жүйелі жұмыстар жүргізіледі. Қаладағы коллекторлардың жалпы ұзындығы 354 шақырым, олардың үштен бірі тазалауды қажет етеді. Бітеліп қалған жүйелер жауын-шашын кезінде нөсерлік кәріздердің уақытылы жұмысына кері әсер етеді», - деп хабарлады баспасөз қызметі өкілі.
Жергілікті билік өкілдерінің хабарлауынша, Жұмабек ТӘШЕНОВ, Абылай хан және Таха ХУСЕЙН даңғылындағы коллектор толығымен бітеліп, одан 2,5 мың тоннадан астам қоқыс шығарылған.
Әлеуметтік желілерде көлге айналған астана көшелерінің видеолары жарияланып жатыр. Автокөліктер суды белуаранын кешіп, бейне бір қайыққа аналғандай.
Фото: tengrinews.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
