Қасиетті Рамазан айының қарсаңында Түркия Республикасы бас консулдығының өкілдері әлеуметтік жағдайы төмен отбасыларға көмек көрсетіп, қайырымдылық шарасын өткізді.
Пандемияға дейін басталған игі іс-шараны бауырлас елдің дін істері басқармасы мен басқарма жанындағы «Диянет» қоры ұйымдастырып отыр. Ал бүгін азық-түлікпен қамтамасыз етілгендердің қатарында Алматыдағы көпбалалы және жағдайы төмен отбасылар бар.
«Осындай отбасыларға көмектесіп жатқан сіздерге Алланың нұры жауа берсін! Келе жатқан Рамазан айы мүбәрак, оразаларыңыз қабыл болсын! Баршаңызға жақсылық тілеймін», - деді көпбалалы әке Оразбек Жанқараев.
Айта кетейік, былтыр Түркия «Диянет» қорының «Құтты сыйым – Құран» жобасының аясында Қазақстандағы 1410 отбасыға азық-түлік таратылған еді. Бұл игі амал биылғы Рамазан айында да бірнеше іс-шара арқылы жалғасын таппақ.
«Бауырлас ел Қазақстанымызда достығымызды нығайту үшін әрі алда келе жатқан қасиетті айда игі іс жасау үшін бірнеше қалада мұқтаж жандарға азық-түлік таратып жатырмыз. Одан бөлек, 5 мың адамға арнайылап ауыз ашар ұйымдастыру да жоспарда бар. Мұндай шаралар көпшілікке көмектесіп қана қоймай, екі ел арасындағы достықты нығайтуға да себепші болмақ», - деді Түркия Республикасының Алматы қаласындағы бас консулдығының дін істері жөніндегі атташесі Емруллах Юзум.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
