Қаза болған 4 жасар Айкөркемнің сотына әкесін кіргізбеді
Қаңтар оқиғасында қайтыс болған 4 жасар Айкөркемнің әкесі мен БАҚ өкілдерін сотқа кіргізбеді,- деп хабарлайды Азаттық радиосы.
Алматы гарнизоны әскери сотында Қаңтарда оққа ұшқан 4 жасар Айкөркем ісіне байланысты «билік өкілетін асыра пайдалану» (451-бөлім, 2-бөлім) бойынша айыпталған А.И.Жұманның үстінен қозғалған қылмыстық іс бойынша алдын ала сот тыңдауы басталды. Айкөркемнің әкесі Айдос Мелдеханның сөзінше, сот жабық өткендіктен оны кіргізбеген, бірақ баласы кірген.
- Ұлым әскери қызметкер, сондықтан рұқсат қағазы бар. Бірақ ол да жәбірленуші. Мен балаларымның заңды өкілімін, алайда мені сотқа кіргізбеді. Бір жарым жыл өтсе де іспен де таныстырмады,- дейді Айдос Мелдехан.
Сот қызметкері Рүстем Мұхтаровтың айтуынша, іс материалдары мемлекеттік құпия болғандықтан процесс жабық өтеді. Сот залына жәбірленуші тараптың адвокаты Жанғазы Күнсеркин мен Айкөркемнің ағасы Бауыржан Мелдехан кіргізілді.
https://malim.kz/article/society/4-zasar-aikorkemnin-soty-bastaldy-19635
Келесі сот отырысы 26 шілдеде өтеді. Ресми түрде жәбірленуші деп танылған Айкөркемнің әкесі Айдос Мелдеханұлы мен әпкесі Жанель Мелдехан сотқа қатыспайды. Айдос Мелдеханұлы мұны «саяси тапсырыс» деп бағалады.
Адвокат Жанғазы Күнсеркин «тергеу органдары сәбидің өліміне жауаптыларды жазадан құтқарғысы келеді» деп санайтынын айтқан. Балалар отырған көлікке оқ жаудырған адамдар бұл іске куәгер ретінде қатысқан.
Байланысты жаналықтар
MalimBlocks
