Қазақстандағы айлыққа жұмыс істеуге робот та келмейді

Ресми дерекке қарасақ, робот қойылған ірі және орта ұйымдар саны елде көбеюдің орнына азайып келеді

  • 24.11.2022

Еңбек және халықты әлеуметтік қорғау министрлігі   LS  басылымына Қазақстандағы жұмысшылардың қаншауын роботтардың алмастыратынына түсініктеме беріпті. Министрлік ақпаратына қарағанда, Қазақстандағы автоматтандыру болжамына қатысты алшақтық бар. Мәселен, дамыған елдердің халықаралық экономикалық ұйымы OECD-тің (ағыл. Organisation for Economic Co-operation and Development. қазақша. Экономикалық ынтымақтастық және даму ұйымыбағалауынша, еліміздегі жұмысшылардың 52%   жоғарғы автоматтандыру санатына жатады. Яғни, осыншама жұмысшы жұмысын роботқа өткізіп береді.

Дегенмен, Еңбек нарығы дамуының орталығы жүргізген сараптама бойынша, елдегі жұмысшылардың 22 пайызы ғана автоматтандыруға келеді. Оның өзінде автоматтандырылатын салада жұмыс істейтін қазақстандықтардың үлесі 7 пайыз ғана. Яғни, робот өндірістік салаға қадам басатындықтан қызметкерлерді оқыту инвестициясы да осы салада басым болмақ.  

«Өндірісті автоматтандыру үрдісі және одан әрі робот ісін жүйелендіру айтарлықтай инвестициялық капиталды, мамандарды оқытуды талап етеді. Айлық еңбек ақысы айтарлықтай төмен елде мұндай инвестицияны тарту тиімсіз»,-депті министрлік түсініктемесінде.

Сондай-ақ, толық қанды төртінші Индустрия бағдарламасы Қазақстанда кемінде 10 жылға кешеуілдеуі мүмкін екенін де айтып өтіпті.

"Технология прогрессі уақыт жағынан айтарлықтай кешігіп жатыр, оған экономикалық, технологиялық, құқықтық, этикалық кедергілер бар. Бүгінгі таңда көптеген жұмысшыларды роботпен алмастыруға болар еді, бірақ, жұмысшы жұмысы мен еңбек ақысы робот алғаннан әлде қайда арзан»,- депті министрлік өз сөзінде.

Ресми дерекке қарасақ, робот қойылған ірі және орта ұйымдар саны елде көбеюдің орнына азайып келеді: 2019 жылы 212 кәсіпорын болса, 2021 жылы 180-ге түскен. Бір айта кетерлігі, әлемде жүзеге асқан үш өндірістік революциядан жұмысшының жұмысын толықтай робот тартып алған емес. Қайта, роботты басқаратын жаңа мамандықтар көптеп ашылып жатыр. Жыл басында Еңбек және халықты әлеуметтік қорғау министрлігі роботтарға жұмысын өткізіп беретін жұмыссыздарды жаңа мамандыққа үйретудің бағдарламасын ашамыз деген еді. Енді ол бағдарлама да кемінде он жылға кешігетіндей. Өйткені бізде, жұмысшының айлығы мардымсыз болып тұр.

Байланысты жаналықтар

"Бізге адам деп қарап жатқан жоқ": Аналар мүгедек балаларымен бірге әкімдік дәлізіне түнеуде

02.03.2021

Нұрымбетов 42500 теңгені кімдер алмайтынын айтты

16.07.2020

Министрлік алдында түнеп жатқан аналарды полиция күштеп алып кетті

10.06.2020

42 500-ді қарық қылмаған министрлер тағы бір жәрдемақы тағайындамақ

22.05.2020

Нұрымбетов Көлгіновтен асып түсейін деп тұр

13.05.2020
MalimBlocks
"Бізге адам деп қарап жатқан жоқ": Аналар мүгедек балаларымен бірге әкімдік дәлізіне түнеуде

Нұрымбетов 42500 теңгені кімдер алмайтынын айтты

Министрлік алдында түнеп жатқан аналарды полиция күштеп алып кетті

42 500-ді қарық қылмаған министрлер тағы бір жәрдемақы тағайындамақ

Нұрымбетов Көлгіновтен асып түсейін деп тұр