Елімізде жүзеге асырылып жатқан «Дені сау ұлт» ұлттық жобасы азаматтарға көрсетілетін медициналық қызметтердің сапасын жақсартып, халықтың өмір сүру ұзақтығын арттыруға мүмкіндік береді. Осы бағытта Денсаулық сақтау министрлігі ауқымды жұмыстарды жоғары деңгейде атқарып жатыр. Қазақстанның алдында тұрған ірі мақсаттың бірі – медицина саласында қызмет ететін кадрларды әзірлеп шығару. Өткен жылы осы үшін мемлекет қазынасынан 5000-ға жуық білім беру гранты бөлініп, болашақ дәрігерлер даярлана бастады. Осы гранттың 1 500-і мамандардың кәсіби біліктілігін арттырып, резидентурада оқуына арналды. Ал биыл бұл көрсеткіш тағы көбейтілді. Министрлік таратқан мәліметке сәйкес, резидентураға бөлінген гранттар саны 2500-ге дейін жеткізіледі. Мамандардың біліктілігін арттыру мәселесі де өзекті. 2022 жылы мемлекет есебінен және жергәләктә атқарушы органдардың қаржыландыруымен елу мыңнан аса маман оқытылған. Оның 350-дейі шет елде білім-біліктілігін көтерді.
Медициналық ғылымның да әлеуеті көтеріліп келеді. Мәселен, қазіргі уақытта онға жуық ғылыми-техникалық бағыттағы жоба қолға алынуда. Ол бүгінгі күні өткір тұрған биоқауіпсіздік мәселелері, қартаю проблемасын оңтайландыруға, инфекцияның алдын алуға арналған препараттарды қамтамасыз етеді. Қазіргі кезде 6 университеттік аурухана бой көтеріп жатыр. Сондай-ақ, салалық біліктілікке баса мән берілуде. Аталмыш мамандықтың 50-ге жуық кәсіптік стандарттары дайындық кезеңінде. Сонымен қатар, медициналық колледждерді кең көлемде аттестаттау шаралары жүзеге асырылды.
