Шымкент әкімдігінің хабарлауынша, жыл басынан бері мүмкіндігі шектеулі 246 азамат «Еңбек» бағдарламасының белсенді іс-шараларына қатысқан.
Оның ішінде 171 адам уақытша жұмыспен қамтылса, мүгедектігі бар 73 азамат тұрақты жұмысқа орналасқан. Ал «Бизнес бастау» кәсіпкерлік негіздері оқыту курсынан 2 адам өтіп, жеке кәсіптерін ашқан. 3 адам шағын несие және 29 азамат мемлекеттік грант алыпты. 100 адам «Бастау бизнес» оқу курсынан өткен. Ал жыл соңына дейін мүмкіндігі шектеулі 712 азаматты жұмыспен қамтылмақ екен.
Қалалық жұмыспен қамту орталығы мамандарының мәліметінше, Шымкентте былтыр мүгедектігі бар 1071 адам «Еңбек» бағдарламасының шараларына қатысқан. Атап айтқанда, қысқа мерзімді кәсіптік оқыту курстарында 153 адам оқытылып, тұрақты жұмысқа 509 адам орналастырылған. Әлеуметтік жұмыс, жастар практикасы мен ақылы қоғамдық жұмыспен уақытша жұмыс орындарына 277 азамат жолданды.
Байланысты жаналықтар
MalimBlocks
