Үй иесі: Bek Air өзімді кінәлі етіп шығармақ (жедел сұхбат)

Malim Админ

  • 10.02.2020

Bek Air ұшағы соғылған үйдің иесі енді өзім кінәлі болып қалам ба деп алаңдап отыр. Өйткені оған бір апта бұрын сотқа берілгені туралы ескерту қағазы келген. Malim.kz тілшісі үй иесі Решет ҚАЛИБЕККЕ хабарласып, мән-жайды сұрады. Оның айтуынша хабарлама тек орыс тілінде келген.

Р.Қалибек

- Орысша түсінбейтіндіктен екі күн бұрын Талғар аудандық сотына бардым. Басында мен Bek Air компаниясын сотқа бергем. Соған қатысты құжат шығар деп барсам, компания менің үстімнен арыз жазыпты.

- Сіз арызды қашан жазып едіңіз?

- 29 әлде 30 желтоқсанда.

- Содан бері сіздің арызыңызға қатысты ешқандай хабарлама келген жоқ па?

- Жоқ, әлі қаралмаған болуы керек. Менен кейін сотқа берген Bek Air-дың арызын қараған, менікі жайлы үнсіз. Сот 21 ақпан күні Талғар аудандық сотында сағат 10-да болады дейді.

Решет Қалибектің айтуынша, үйінің құжатын жасатып үлгере алмаған. Решет қана емес, ұшақ қиратып кеткен үйдің айналасындағы көрші үйлердің иелері де әлі күнге құжатсыз жүр. Олар да үйіміздің ендігі жағдайы не болады деп уайымдап отыр дейді. Өйткені, тиісті орындар құжат жасатуды сағызша созып келеді. Қай есікке барса да бастығы болмай шығады немесе тағы бір сылтаулар ойлап табады. Әйтеуір әне-міне деп созып келеді.

- Егер құжат жасалмайтын болса о баста неге сатады? Енді келіп, мен үйіме апатқа ұшыраған ұшақ келіп соғылғаны үшін сотқа тартылып жатырмын. Ұшақ менің үйімнің кесірінен апатқа ұшыраған жоқ, көтеріле алмай, апатқа ұшырап келіп, соғылды. Бұл – бір, екіншіден, бұл жерге үй салуға рұқсат берген әкімдікті неге сотқа бермейді? Құжат жасаған адамдарды неге соттамайды? – дейді Қалибек.

Сәл кері шегініс жасасақ, Решет Қалибек ұшақ апаты болған кезде БАҚ-қа сұхбат беріп, кісі өлімі болған ауыр жағдай кезінде өтемақы талап етіп жатпайтынын айтқан. Дегенмен, ол талап етпесе апат болған орынға келген Талғар ауданының әкімі Жолан ОМАРОВ үйі үшін өтемақы төленетінін, ол үшін жауапты адамдарға баруы керегін айтқан. Бірақ, іс бітіп, апат жайлы ақпарат көмескілене бастаған тұста әкім өтемақы төлеу туралы уәдесін ұмытқан сыңайлы. Қайда барса да «бастық жоқ» деп шығарып салады немесе тағы бір «жауапты адамдарға» жұмсайды.

Айта кетейік, алдағы уақытта заңдастырылған, «госактісі» бар жерді 14 мың долларға сатып алған, бірақ, үйдің құжатын жасатып үлгере алмай жүргенде ұшақ соғылған үйінің өтемақысы тұрыпты, енді өзі кінәлі болып қалам ба деп алаңдап жүрген Решет Қалибек пен Bek Air арасында болатын сот процесі жайлы МӘЛІМ сайты тұрақты ақпарат беріп отырады.

Bek Air ұшағы былтыр 27 желтоқсанда апатқа ұшыраған. Лайнер ұшу кезінде орнынан көтеріле алмай, әуежай қоршауын бұзып өтіп, үйге соғылған. Ұшақ бортында 93 жолаушы мен 5 экипаж мүшесі болған. Аты шулы бұл оқиғадан 12 адам қаза тапты.

Алмас НҮСІП

Суреттер ашық дереккөздерден алынды

Материалды көшіріп басуға болмайды!

Байланысты жаналықтар

DALA INSIDE арнасы Үкімет пен халықаралық ұйымдарға үндеу жолдады

19.02.2024

Мырзахметовтің ісі бойынша сот процесі басталды

22.01.2024

Саланы жетік білмеген журналист жиі қателеседі

09.12.2023

Самат Әбішті бұлтартпау шарасы өзгермеген

30.11.2023

Абылай Мырзахметовтің қамау мерзімі 10 желтоқсанға дейін ұзартылды

27.11.2023

Қазақстанда «Шешім журналистикасы лабораториясы» жобасы басталды

28.10.2023
MalimBlocks
DALA INSIDE арнасы Үкімет пен халықаралық ұйымдарға үндеу жолдады

Қысымға тап болғанын хабарлайды және мұндай жағдайға алаңдаушылық білдіреді

Мырзахметовтің ісі бойынша сот процесі басталды

“Атамекен” ұлтттық кәсіпкерлер палатасының бұрынғы төрағасы Абылай Мырзахметовтің ісіне қатысты сот отырысы басталды. Бұл істі қарап жатқан прокурор Бауыржан Шекенов сотты жабық режимде өткізуге өтініш берген.

Саланы жетік білмеген журналист жиі қателеседі

Сот жұмысы – қоғам үнемі назарында ұстайтын, қызығушылықпен бақылайтын маңызды сала. Халықтың пікір-ұсынысын ескере отырып ақпарат таратын журналистердің бұл салаға қалам тербемегені аз.

Самат Әбішті бұлтартпау шарасы өзгермеген

Ешқайда кетпеу жөніндегі бұлтартпау шарасы өз күшінде

Абылай Мырзахметовтің қамау мерзімі 10 желтоқсанға дейін ұзартылды

"Атамекен" ұлттық кәсіпкерлер палатасының экс-басшысы Абылай Мырзахметов 10 желтоқсанға дейін қамауда отырады. Бұл туралы Астана сотының баспасөз қызметіне сүйенген жергілікті ақпарат құралдары жазды.

Қазақстанда «Шешім журналистикасы лабораториясы» жобасы басталды

«Әділ сөз» сөз бостандығын қорғау халықаралық қоғамдық қоры Ұлыбритания үкіметінің қаржылай қолдауымен «Шешім журналистикасы лабораториясы» жобасы жүзеге аса бастады.