Қостанайдың «Тобыл» клубы УЕФА-ның Конференция лигасына іріктеуде Швейцарияның «Санкт-Галлен» клубынан оңбай жеңілді, деп хабарлайды Malim.kz.
Қарсыластар екінші іріктеу раундының аясында кездесті. Алғашқы ойын Швейцарияда өтіп, алаң иелерінің жеңісімен аяқталды – 4:1. «Санкт-Галлен» сапынан Михайло Стеванович (35-минут), Бастьен Тома (77), Шадрак Аколо (39) мен Альберт Вальчи (90+7) мергендік танытса, «Тобыл» клубына бір голды Вальчидің автоголы сыйлады (28).
Қарымта матч 1 тамыз күні Қостанайда өтеді. Екі матч қорытындысы бойынша жеңімпаз атанған клуб Конференция лигасының үшінші іріктеу раундында Латвияның «Ригасымен» немесе Польшаның «Шленск» командасымен кездеседі. Жеңілгені еурокубокты аяқтайды.
«Тобыл» Еуропа лигасында өнер көрсетіп, іріктеу раундында Словакияның «Ружомберок» клубына 3:5 есебімен жол берді.
Фото: «Тобыл» ФК
