Актер Нұрлан Әлімжанов лауазымды қызметке тағайындалды.
Қазақстанның тұңғыш президенті туралы фильмдерде Нұрсұлтан Назарбаевтың рөлін сомдаған Нұрлан Әлімжанов Нұр-Сұлтан қаласы мәдинет басқармасының басшысы болып тағайындалды. Оның бұл қызметке тағайындалғанын қалалық әкімдіктің баспасөз қызметі растады.
Нұрлан Әлімжанов экс-президент туралы «Балалық шағымның аспаны» (2011 ж), «Теміртау», «Көшбасшы жол» (2013 ж), «Тығырықтан жол тапқан» (2014 ж) фильмдерінде Назарбаевтың рөлін сомдаған. 2013 жылы Қазақстанның еңбек сіңірген қайраткері атағы мен «Жас Тұлпа», «Серпер» сыйлықтарын алды.
Актер 2019 жылдың қыркүйегі мен 2021 жылдың қаңтары арасында парламент мәжілісінің депутаты болды.
Айта кететін бір жайт, әлеуметтік желі мен БАҚ-та бірнеше күннен бері Семей қаласындағы "Абай Арена" спорт кешені мен бір көшеге Нұрсұлтан Назарбаевтың атын беру бастамасы қызу талқыланып, ғаламтор қолданушыларының басым көпшілігі наразы болған. Назарбаевтың баспасөз хатшысы Айдос Үкібай экс-президенттің "бұндай құрмет-қошеметке қарсы екенін" айтты.
«Әлеуметтік желілер мен БАҚ-та ШҚО белсенділерінің «Абай-Арена» стадионының атауын өзгерту туралы ұсыныстары талқылануда. Елбасы әрдайым өзіне қатысты мұндай «құрмет-қошеметке» қарсы. Н. Назарбаевтың пікірінше, стадион қазақтың ұлы ақыны әрі философының атында қалуы тиіс», – деді Айдос Үкібай.
MalimBlocks
