Еуропа чемпионатының 1/8 финалында пенальти соға алмай қалған Килиан МБАППЕ Францияда сынның астында қалды. «ПСЖ»-ның шабуылшысын «жұлдыз» ауруына шалдықты десе, ардагер футболшылар бапкер Дидье ДЕШАМДЫ сынады.
Футбол королі ПЕЛЕ болса франциялық жас шабуылшыны қолдады.
«Мына ойынды көріп көңілім бұзылды. Бұл нашар Франция құрамасы болды. Бірлік пен жігерлі рух болған жоқ. Біз тұтастығы мығым команда болғанымыз жоқ. Сондықтан да келесі кезеңге шыға алмадық», - деп ойын білдірді әлем және еуропа чемпионы ардагер франциялық футболшы Патрик ВИЙЕРА.
Бапкерлер мен футболшылар Мбаппені қолдаған екен.
«Мбаппен гол соқпағанына қатты қапалы. Басқа футболистер сықылды уайымдап жүр. Ол өзін жазықты сезінеді. Бірақ олай емес», - деді бапкер Дешам.
Швецария мен Франция ойынында бірші аутсайдер саналған команда есепті ашты. Бірінші таймда Сеферович гол соқты. Қызық екінші таймда басталды. Бес минут ішінде француздардың қақпашысы Льорис пенальтиді қайтарды. Реалдың шабуылшысы Карим БЕНЗЕМА екі гол соғып командасын алға шығарып тастады. Ал 75 минутта Поль ПОГБА алыстан әдемі гол соғып матч тағдырын шешкендей еді. Бірақ 10 минуттың ішінде Сеферович пен Гавранович есептің теңестірді. Қос команда қосымша қос таймда тең ойнады. Пенальти сериясында әлем чемпиондарын жеңілді. Месси мен Роналдудың орнын басады деген Мбаппе 11 метрден соға алмады. Швецария ¼ финалда Испанияға қарсы ойнайды.
«Килиан, басыңды көтер! Ертең – жаңа хикаялардың алғашқы күні», - деп жазды футбол королі Пеле жас футболшының қолдап әлеуметтік желіде.
Еуропа чемпионатында сенсация жасаған Швецария Испанияға қарсы 2 шілде күні Санкт-Петербург қаласында ойнайды.
Фото: twitter.com
