Ресейдің Чита қаласында бокстан жастар арасындағы Еуразия кубогы турнирі аяқталды, деп хабарлайды Malim.kz.
Ұлттық Олимпиада комитетінің мәлімдеуінше, бұл Қазақстан құрамасы үшін қазан айында Черногорияда өтетін әлем чемпионатына дайындық кезеңі. Бірінші құраммен барған жастар командасы 13 жүлде еншілеп, 67 келіде Төрехан Сабырхан турнир жеңімпазы атанды.
57 келіде Жансері Көшербаев пен 80 келіде Мадияр Бексұлтанов финалда төрешілер шешімімен жергілікті боксшыларға жол беріп, күміс жүлдеге ие болды.
Қалған 10 спортшы қола жүлдегер атанды: 51 кг. Бексұлтан Боранбек, 54 кг. Әділбек Қожахан, 54 кг. Әли Мұрат, 57 кг. Бауыржан Мұратов, 63,5 кг. Асылхан Көшербай, 63,5 кг. Ахмет Үсен, 71 кг. Өнер Сейілхан, 75 кг. Санжарәли Бегалиев, 80 кг. Дамир Синеев, 92 кг. Аслан Елдібайұлы.
Естеріңізге сала кетейік, жастар құрамасының аға бапкері қызметін атқарған Қайрат Сәтжанов тамыз айында ұлттық құраманың бас бапкері қызметіне тағайындалды. Қазір жастарды Бағдат Оңғарбеков жаттықтырады.
Фото: ҰОК
Байланысты жаналықтар
MalimBlocks
