Қазақстан Президенті Қасым-Жомарт Тоқаев жұмыс сапарымен Түрікменстанға барды. Мемлекет басшысын әуежайдан Түрікменстан Министрлер кабинеті төрағасының орынбасары, сыртқы істер министрі Рашид Мередов қарсы алды, деп хабарлайды Malim.kz.
Ақорданың мәліметінше, Қасым-Жомарт Тоқаев 8-9 қазан күндері Түрікменстан Президенті Сердар Бердімұхамедовтің шақыруымен Авазада өтетін бірқатар халықаралық іс-шараға қатысады.
Сапар бағдарламасында Орталық Азия мемлекеттері мен Әзербайжан басшыларының сегізінші Консультативтік кездесуі, ТМД мемлекеттері басшылары кеңесінің отырысы және Каспий экологиялық саммиті бар.
