Германияда Жаңа жыл қарсаңында жүздеген адам ұсталып, ондаған адам петарда мен отшашулардың кесірінен жарақат алды. Бұл туралы Stan.kz сайты Der Tagesspiegel басылымына сілтеме жасап хабарлайды.
Сөйтсе де Берлиндегі қала билігі биыл өткен жылдармен салыстырғанда тынышырақ өтті деп отыр.
Түнде 430 адам ұсталды, бұл алдыңғы жылмен салыстырғанда 30-ға көп;
Полиция шамамен 800 тергеу бастады;
35 полиция қызметкері жарақат алды, олардың 22-сі отшашу жарылыстарынан;
Берлин қаласы шегінде 47 көлік өртелді.
2340 полиция хабарламасы тіркелді. Полиция жағдайдың бақылауда болуыны ңарқасында ұсталғандар көп болды дейді.
Жаңа жыл қарсаңында төтенше жағдайлар және құтқару қызметкерлеріне шабуыл жасалды, оларға қарсы отшашулар қолданылды. Полиция қару мен жарылғыш заттарды қолдану, құқық қорғау органдарына қарсылық көрсету, өрт қою және жарақат алу бойынша тергеу бастады.
Сонымен қатар 14 адам қамауға алынды, ал тағы жетеуі сотқа жеткізілді. Олардың қайсысы қамауда қалатыны, ал қайсысы босатылатыны әлі белгісіз.
Сенатор Ирис Спрангер отшашуларды бақылаусыз пайдалану мәселесіне тағы да назар аударып, мұндай әрекеттердің айналадағыларға да, төтенше жағдайлар қызметкерлеріне де қауіп төндіретінін атап өтті. Ол федералды деңгейде реттеуді күшейту үшін жарылғыш заттар туралы заңнамаға қосымша өзгерістер енгізу ниетін мәлімдеді.
