Төтенше жағдай кезінде несие төлемейсіз

Malim Админ

  • 17.03.2020

Коронавирусқа қатысты жарияланған 30 күндік төтенше жағдай кезінде банктер несие алушыларға жеңілдіктер жасайтын болады. Ең негізгісі – уақытында төлей алмаған жағдайда айыппұл төлемейді. Бұл жайында премьер-министр Асқар МӘМИН айтты деп хабарлайды Malim.kz.

Министр бұл жағдай бойынша банктерге мемлекет тарапынан бірнеше талап қойылатынын ескертті.

«Төтенше жағдай кезінде несиесін төлей алмаған қарыз алушыларға айыппұл есептелмейді. Банктер кәсіпкерлерге төлемдерді кейінге қалдыру мүмкіндігін жасауы керек. Отандық бизнес бірдей шарттармен қосымша қаржылық жүктемесіз қолданыстағы бағдарламалардың жеңілдікті қолдау шараларын пайдаланады», - деді ол Үкімет отырысында.

Үкімет отырысының негізгі тақырыбы – кәсіпкерлік пен отандық өндірісті қолдау шаралары. Мәмин бизнес өкілдерін қолдауға арналған мемлекеттік бағдарламаларға төтенше жағдайға байланысты жеңілдетілген шарттар енгізу туралы жобалар үш күн ішінде дайындалуы керек екенін айтты.

Төтенше жағдай кезінде қарыз кейінге шегерілсе өсімпұл есептелмейтіні жайлы Қаржы министрлігі Мемлекеттік кірістер комитетінің баспасөз қызметі де хабарлады. Хабарламада мұның Салық кодексінде жазылғаны айтылады.

«Алайда ондай жеңілдікті алу үшін кепілзат немесе банктік кепілдік қажет. Осыған орай төтенше жағдай кезінде салықтық міндеттемелер бойынша қарыз бен өсімпұлды кейінге шегеруді оңтайландыратын тетіктер қарастырылуда», дейді комитеттің баспасөз қызметі. 

Мәліметтерге қарағанда, ендігіде кешіктірілген несиенің 50 %-ы бір жыл ішінде төленсе, тұтынушының несиелік тарихы бұзылмайды. Сонымен қатар, бір ай уақыт ішінде азаматтар мен заңды тұлғаларға айыппұл салынбайды. Тәртіп бұзылған жағдайда әкімшілік айыппұлды төтенше жағдай уақыты аяқталған соң төлету қарастырылады.

Байланысты жаналықтар

Төтенше жағдайлар вице-министрі тағайындалды

12.03.2024

«Қоқысты таудай қылып үйіп қою үйреншікті жағдайға айналды»: Премьер-Министр қайта өңдеу саласын сынға алды

12.03.2024

Кредиті кешірілген азаматтар қайтадан қарызға батып жатыр

06.03.2024

Жастар үшін кредит беру талабы өзгереді

06.03.2024

Ақмола облысында болмаған төтенше жағдай үшін заңсыз шарт жасасқан

29.02.2024

Қазақстанда «Шешім журналистикасы лабораториясы» жобасы басталды

28.10.2023
MalimBlocks
Төтенше жағдайлар вице-министрі тағайындалды

«Қоқысты таудай қылып үйіп қою үйреншікті жағдайға айналды»: Премьер-Министр қайта өңдеу саласын сынға алды

Кредиті кешірілген азаматтар қайтадан қарызға батып жатыр

Тіпті кейбірінде проблемалы кредит те бар.

Жастар үшін кредит беру талабы өзгереді

Тек ресми түрде тіркелген табысы болса ғана кредит ала алады.

Ақмола облысында болмаған төтенше жағдай үшін заңсыз шарт жасасқан

Келісімшарт мәні – тж салдарын жою.

Қазақстанда «Шешім журналистикасы лабораториясы» жобасы басталды

«Әділ сөз» сөз бостандығын қорғау халықаралық қоғамдық қоры Ұлыбритания үкіметінің қаржылай қолдауымен «Шешім журналистикасы лабораториясы» жобасы жүзеге аса бастады.