Шығыс Қазақстан облысы Риддер қаласының әкімінің хабарлауынша, Ресейде оқып жатқан 108 студент бүгін елге жеткізеледі. Бұл жайында YK-news.kz. сайты жазды.
«27 сәуір күні Ресейден Бородулихо ауданындағы Ауыл бекеті арқылы риддерлік студенттер келеді. Ата-аналары балаларын күтіп алмай-ақ қойсын, олар бірден карантинге жату үшін Өскемен қаласындағы стационарға жөнелтіледі. Тамақтану, жатын орын, тестілеу шығындарының бәрін мемлекет төлейді. Бәрін тесттен өткіземіз. Тест нәтижесі шыққаннан кейін ғана үйлеріне қайта алады» деген Риддер қаласының әкімі Жомарт Мұратов.
Сонымен қатар, бүгін Семей әуежайына Атыраудан арнайы рейс келеді. Олар «Tengizchevroil» компаниясында қызмет ететін Шығыс Қазақстан және Павлодар облыстарының тұрғындары.
