29 жастағы Әділхан Қопабаев Apple корпорациясында басшылық қызметке тағайындалды, деп хабарлайды Malim.kz.
Әділхан Қопабаев Дубайдағы кеңсесінен Орталық Азия мен Армения аймағына жетекшілік ететін болады.
Әділхан 2017 жылы Оңтүстік Кореядағы Ульсан ұлттық ғылым және технология институтын (UNIST) қалалық инженерия және технологиялар менеджменті мамандығы бойынша бітірген. Ол беделді UNIST Global Uni-Star стипендиясына ие балған қазақстандық.
Әділхан бұған дейін халықаралық консалтингтік және IT-компанияларда жұмыс істеген. 2023 жылдан бастап Энергетика министрлігі жанындағы «Мұнай-газ» ақпараттық-талдау орталығы АҚ-ын басқарды. Сонымен қатар, Отын-энергетика кешенінің ситуациялық талдау орталығының басшысы болды.
Фото: inbusiness.kz
