Иран Израильмен соғыстан кейін де ядролық бағдарламасынан бас тартпайды. Бұл туралы Иранның Сыртқы істер министрі Аббас Аракчи Al-Araby al-Jadeed басылымына берген сұхбатында мәлімдеді, деп хабарлайды Report.
Аракчидің айтуынша, Израильмен 12 күнге жалғасқан қақтығыстан кейін Тегеран бұрынғыдан да батыл қадамға баруға бел буды.
Біз бұл технологияға орасан зор қаржы мен күш жұмсадық. Ғалымдарымыз қаза тапты, халқымыз санкцияларға төзіп келеді, бізге соғыс та ашылды. Иранда ешкім бұл бағдарламадан бас тартпайды. Ол әрқашан Атом энергиясы жөніндегі халықаралық агенттіктің (МАГАТЭ) бақылауында болды, — деді Аракчи.
Айта кетейік, бұған дейін Масуд Пезешкиан «Израиль бітім шартын сақтаса, Иран да оны бұзбайтынын» мәлімдеген болатын.
Фото: Report
