20 шілде - әлем тарихында адамзаттың ғылыми жетістіктері, саяси бетбұрыстары мен тағдыршешті оқиғаларға толы күндердің бірі. Дәл осы күні адам алғаш рет Айға қонып, Германияда Адольф Гитлерге қарсы әйгілі қастандық жасалды. Сондай-ақ Латын Америкасындағы ең ірі мемлекеттердің бірі Колумбия тәуелсіздік жолындағы күресін бастады, деп хабарлайды Malim.kz.
- 1304 жылы 20 шілдеде италиялық ақын әрі ойшыл Франческо Петрарка дүниеге келді. Ол еуропалық гуманизмнің негізін қалаушылардың бірі саналады. Оның шығармалары Қайта өрлеу дәуірінің басталуына ықпал етіп, кейінгі әдебиет пен философияның дамуына зор әсер етті.
- 1402 жыл. Анкара шайқасы Осман сұлтаны І Баязид пен Әмір Темір әскері арасындағы шешуші шайқас өтті. Темір жеңіске жетіп, Осман империясында бірнеше жылға созылған саяси дағдарыс басталды.
- 1810 жылы Колумбия тәуелсіздік үшін күресті бастады. Богота қаласында испан отаршылдарына қарсы көтеріліс басталып, кейін бұл оқиға Колумбияның тәуелсіздік декларациясына ұласты. Бүгінде 20 шілде елдің басты ұлттық мерекесі Тәуелсіздік күні ретінде аталып өтеді.
- 1871 жылы Британдық Колумбия Канада құрамына қосылды. Канада Конфедерациясының кеңеюіндегі маңызды кезеңдердің бірі осы күнмен байланысты. Британдық Колумбия ресми түрде федерация құрамына кіріп, елдің Тынық мұхитына шығуына жол ашты.
- 1924 жылы Парижде Халықаралық шахмат федерациясы құрылды. Ұйым кейін әлем чемпионаттарын өткізіп, шахмат ережелерін біріздендіріп, бүгінгі таңда 190-нан астам ұлттық федерацияны біріктіріп отыр.
- 1944 жылы Германия армиясының офицері Клаус фон Штауффенберг Адольф Гитлердің штабына жарылғыш зат қойды. Алайда Гитлер аман қалып, қастандыққа қатысқандардың көпшілігі өлім жазасына кесілді. Бұл оқиға тарихта «20 шілде бүлігі» деген атпен қалды және нацистік режимге қарсы ең ірі ішкі қарсылықтардың бірі болды.
- 1960 жылы Шри-Ланкада Сиримаво Бандаранаике премьер-министр қызметіне кірісті. Ол әлем тарихындағы демократиялық жолмен сайланған алғашқы әйел үкімет басшысы ретінде танылды.
- 1969 жыл Адамзат Айға алғаш рет қонды. 20 шілдеде америкалық «Аполлон-11» ғарыш кемесі Ай бетіне сәтті қонды. Нил Армстронг пен Базз Олдрин Айға табан тіреген алғашқы адамдар болды. Армстронгтың «Бұл - адам үшін кішкентай қадам, бірақ адамзат үшін орасан зор секіріс» деген сөзі тарихқа алтын әріппен жазылды. Бұл оқиға ғарышты игеру дәуірінің символына айналды.
- 1973 жыл Брюс Ли (суретте) өмірден өтті. Әлемге әйгілі актер әрі жекпе-жек өнерінің шебері Брюс Ли 32 жасында Гонконгта қайтыс болды. Оның мезгілсіз қазасы көптеген болжамға негіз болғанымен, өнердегі мұрасы бүгінге дейін өз құндылығын жоғалтқан жоқ.
- 1976 жылы «Викинг-1» Марсқа қонды. NASA-ның «Викинг-1» аппараты Марс бетіне сәтті қонып, Қызыл ғаламшардан жоғары сапалы фотосуреттер мен ғылыми мәліметтерді Жерге жіберді. Бұл Марсты зерттеу тарихындағы ең маңызды кезеңдердің бірі болды.
Қазақстан. 20 шілде
20 шілде Қазақстан тарихындағы ең ірі мемлекеттік мерекелердің қатарына жатпайды. Дегенмен бұл күн ел дамуындағы бірқатар маңызды кезеңдермен сабақтас. 1998 жылдың шілдесінде жаңа елорда - Астананы халықаралық деңгейде таныстыру және мемлекеттік басқару жүйесін толық көшіру жұмыстары жалғасты. Ал соңғы жылдары дәл осы күндері елордада халықаралық спорттық және мәдени шаралар жиі ұйымдастырылып келеді.
