АҚШ Иранның үш ядролық нысанын атқылады
Сенбіден жексенбіге қараған түні АҚШ президенті Дональд Трамп Иранның ядролық бағдарламасына тиесілі үш аса маңызды нысанға Америка Құрама Штаттарының Әуе-ғарыш күштері сәтті соққы жасағанын мәлімдеді, деп хабарлайды Malim.kz ВВС-ге сілтеме жасап.
"Иранның уран байыту бойынша ең ірі зауыттары толықтай жойылды", – деді Трамп.
АҚШ-тың Израиль мен Иран арасындағы қақтығысқа араласуы күтпеген жағдай болды: осыған дейін Трамп АҚШ-тың жоспарлары туралы ашық мәлімдемелер жасаудан тартынып келген.
Израиль Трампқа көмегі үшін алғыс білдірсе, Иран уран байытуды жалғастыратынын айтып, шабуыл жасалған нысандардың толық жойылғанын жоққа шығарды.
АҚШ Ирандағы үш ірі ядролық нысанға – Фордо, Натанз және Исфахан зауыттарына 21 маусым күні, Вашингтон уақыты бойынша кешке (Еуропа уақыты бойынша 22 маусым таңертең) соққы жасады.
Фордо, Натанз және Исфахандағы уран байыту зауыттарының бомбалауы туралы АҚШ президенті Дональд Трамп әлеуметтік желіде мәлімдеді.
"Біз Ирандағы үш ядролық нысанға, соның ішінде Фордо, Натанз және Исфаханға шабуылды сәтті аяқтадық, – деп жазды ол Truth Social платформасында.
Фото: Leah Millis/Reuters
Ең көп оқылған
